COVID-19 (Novel coronavirus) poraus mi auchea kopwe sinei, angang, me pisekin eaea non Washington State.

COVID-19 Fon kopwe kokori

Ika mi wor om kepas eis fanitan COVID-19, kose mochen kokori 1-800-525-0127 me tiki #. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos. Ei fon kopwe kokori a kan suk seni kunok 6 nesosor, tori kunok 10 nepwin, Sarinfan-Enimu me kunok 8 nesosor - 6 nekunion, non Ammon-Raninfan.

Epwe afatafat

Non ewe June 26, 2020, meinisin aramasan Washington State ra poputa ne eaea tukutun mas ika ra nom non ekkewe neni mi chomong aramas me resap pwan nom kis seni 6 feet (2 meters) seni ekkoch. Ekkoch aramas mi wor ar semwen ese eoch ngenir ar repwe eaea ekkewe tukutukun mas, nge ese wor emon mi wor ar pisekin pwarata pwe mi wor ar osukosuk ren safei. Pwan meinisin ekkewe nenien angang repwe awora ekkewe tukutukun mas ika mask ngeni meinisin chon angang napenon ngeni ekkewe chon angang rese angang emonuno chok.

Won May 31, Gov. Inslee a pwan atamano kaukunon angangan aukano me mang ne monatiw ngeni July 28 ren ekkewe tengewa me fifi. Aramas ra tongeni kokori ar kewe kompenien fifi ren ar repwe tungor pekin aninis ren meen ar kewe niwinimang.

Ewe Kepina a pwan atamano ewe angangen efikson tori August 1. Ika noun we Landlord ika ewe manager ese aponuweta ewe angangen kaukutuwen memen ekkewe mettoch iwe kowe kokori ewe ofesin Attorne General iwe ka watiw om asisnesin ngenir lon (833) 660-4877 iwe ka fini fofor 1. Iwe epwe wor emon chon ewe Ofes epwap kokorisefanuk.

Meta COVID-19?

COVID-19 semwenin ach ngasangas. E fetan non mwesi, mwor, kan fengen me ekkoch, kapachenong kapong won pouch, me mongo fengen anach me unumach.

Ifa ekkewe asisinen semwen?

Wesewesen sainen ei semwen COVID-19 naw, weirs ngasangas ika ruu me nein ekkei sain: ren pwichikar, fou, cheeta fit fou, metek non inis, metek mokur, metek non chiror, ese wor nenen me ese wor pwonen mongo.

Io kewe a anuokuk ngenir?

Ekkewe Chinlap ika ekkewe a watte ierir, ese pwan nifinifin ier mi wor ar semwen, me ekkewe ir mei pwopwo mi anuokus ngeni an epwe torir COVID-19.

tumunu inisum pwan neniom we:

  • Nomotiw non nenieom fansoun mi fich, nge napenon ika en mei semwen.
  • Eaea ika tukumi mesom me potum ika ka nom nein aramas.
  • Kopwe nom towaw seni ekkoch non onou feet (2 meters).
  • Tenu poum iteiten ika eaea hand sanitizer.
  • Pinei awom ika ka naw ika mwesi.
  • Kosap atapa mesom.
  • Nimeti eochu non neniom.
  • Ika a wor reom ekkewe asisin ren ei semwen COVID-19, iwe kokori noum we Tokter ureni pwe kopwe angei tesin ei semwen. Ika ese wor noun Tokter, kokori chok menni nenien anisi mei semwen e kan ngonuk. Ika ese wor noum insurance, kokori ewe nenien anisi mei semwen.

Ekkoch poraus mi namot me auchea ren COVID-19 ren ach sipwe nom nge kich mei pechakun:

Suk sefan me non Washington: Safe Start Plan

Ew aninisin an esap chew fetan ei semwen COVID-19, ewe Kepina Inslee a tungor ngeni aramasen Washington pwe repwe nomotiw non nenier fansoun mei tufich. Mei wor ruwanu kinikin fan itan an epwe suksefan ekkewe bisinis me pwal met sipwele fofori. Ew me ew kewe couty epwe wor ngenir ei ruwanu kinikin.

Met kei fofor mi auchea sipwele fofori lon ei attun mi mumuta mi pachenong:

  • Met fofor mi lomot mi mumuta ren kamo non sitowa, kut om gas, angei unumom safei ika feino ngeni om appointment.
  • Angang non ekkewe nenien angang ese pwan pinepin ngenir ar repwe suk ika ew nenien angang mi mumuta an epwe suk fan nurun an Kepina we Safe Start Plan.
  • Uwou wou nukun anom mongo seni ew nenien mongo mi kan ngonuk. Kinikin 2 ekkoch ekkewe nenien mongo ra suk nge mei chok aukuku fite mon chon repwe tongeni mongo non.
  • Tou nukun ren fetan me taisonuk, nge ewe onou feet (2 metter) kopwe chok pwan apwonuweta. kukunou non ekkoch neni unukun neniom an esap pwan atourawou nukun neniom ewe semwen COVID-19.
  • Met repwe eaea non ekkewe state parks me public lands fanitan attaw, me kukut me kukunou. Camping mi mumuta non ekkewe state parks non ekkewe neni mei maketiw non ei kinikin 2.

Met kewe mi namot me auchea fan iten Angang me Sopai

Aninisin ekkewe remi tou seni ar angang

Ika en mi wes seni om anganag, en mi tufichin nom won ena aninisin chon angang ir mei tou seni ar angang. Ika ke mochen sinei ifa usun om kopwe amasowa ewe taropwen aninisin mei tou ika wes seni ar angang, kopwe (unemployment benefits) ka tongeni kokori 1-800-318-6022. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Chon Angang me ekkewe ar ewe Sopai

Ei Coronavirus pandemic a wor afeiengawan ngeni pukuwan me ngeroun chon angang me Angang non ach ei State.

Tumunun chon angang, mi pwan ku ekkewe nenien angang:

  • Asukuna nour kewe chon angang usun sainen me asisinen ei COVID-19 non pusin fosun fonuwer.
  • Forata ew social distancing plan.
  • Iteiten nge awor angangen animenim me sanitizing.
  • Iteiten nge awora ifa usun ar repwe tenu paur.
  • Tumunufichi pwe ekkewe chon angang repwe nomotiw neimw fansoun ra semwen.

Ika ke osukosuk ren pekin tumun ren om ewe nenien angang, ka tongeni fori om atutur ren kokori ewe Department of Labor & Industries ren kokori nampa 800-423-7233. Chiaku won phone mi kawor.

Ika mi wor om kapas eis fan itan om we sopai me noum chon angang ren ei COVID-19, ka tongeni kokori ewe Putain (Employment Security Department)ren nampa 855-829-9243.

Tumunun semau me pwal lenien aworan insurens ren safei

Ka tongeni nounou insurance epwe ese kamo ika kukun chok met kopwe moni. Kokori ewe Health Care Authority won nampa 1-855-923-4633. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Ewe Alien Emergency Medical (AEM) Coverageew prokram ren ekkan aramas ir mei tufichin ar repwe nom won ewe qualifying medical emergency and rese tori ewe akaukun pwe ir wesewesen chon ewe neni ika rese tori ewe 5-ier bar.

Ewe Help Me Grow Washington Hotline at 1-800-322-2588 an epwe finata sokopaten health program me aninis en mi tufichin nom won me pwan anisuk om kopwe amasou ngeni. Iei mi kapachenong:

  • WIC (Women, Infants & Children Nutrition Program)/li>
  • Health Insurance ren semirit, fefin mi pwopwo me aramas mei mukono/li>
  • Anefina nefinen nounou non ewe Take Charge Program/li>
  • Pechakun me kokotun famini clinics/li>
  • Pwopwo me pisekin ekkewe monukon/li>
  • Aninis ren pekin aupu semirit/li>
  • Mei pwan wor prokram mi kawor fanitan mongo ika aninisin inis.

Poraus fanitan chon tonong me nukun me pwal chon tonlong seni leni kena mi wor maun

Ewe Office of Immigrant and Refugee Affairs (OIRA) a kan anisi ekkewe chon tonong me nukun ar repwe weweiti met mi ennet fanitan Covid-19 me met ar osukosuk, ren Public Charge. Ekkoch mettoch mi auchea om kopwe sinei:

  • Ekkewe Pioing me ekkewe nenien safei ika anisi chon semwen ese mumuta ar repwe uwawou ngeni ewe ICE nonomun emon chon tonong me nukun. Angei chekin COVID-19 me nom won aninisin mei osupwang ika nom won aninisin safei mei kukun ese apeti om tufichin amasou ngeni green card me chon nefonuno non ew neni.
  • Kopwe nounou ew social security nampa mei eoch ren om kopwe amasou ngeni ewe aninis ren chon angang ir mei asoso seni ar angang. Ika ke mochen fos ngeni emon fan iten om kopwe angei ei aninisin chon asoso seni ar angang kopwe kokori namapa 1-800-318-6022.
  • Om nounou ewe aninisin chon asoso seni ar angang esap aosukosuka om tufichin amasou ngeni green card ika chon ne fonuno fan nurun ewe allukun Public Charge.
  • En mi tufichin nom won ewe Washington State Paid Family me Medical Leave ren om kopwe tumunu emon mi tori ewe semwen Covid-19 ika tumunu pusin en ika a toruk ewe virus. Kose pwan nounou social security nampa ren om kopwe nounou ei pekin aninis. ESD mi etiwa chomong ese pwan nifinifin sokopaten taropwe.
  • Ika en emon minapen ew nenien angang ika ew sopai ke kuta aninis, amasou ngeni ena federal Small Business Administration Disaster Loan ese pwan aosukosuka om tufichin amasaou ngeni green card ika taropwen chon nefonuno fan nurun ewe allukun Public Charge.

Asinesin mi auchea ren Public Charge: An ekkoch aninis re pinei an ekkewe famini re pwe soposopono ne nom won ekkewe aninis ir mei tufichin nom won. Iei popun ekkoch mokutukutun tonong me nukun mi eoch. Ewe Office of Immigrant and Refugee Affairs (OIRA) a urenuk pwe ika kose sinei nonomum ika nonomun chon non om famini/ika nonomur ren pekin aninis, kopwe fos ngeni ewe immigration attroney ika putain Justice (DOJ)ika emon noum chon aninis. En mi tongeni kuta emon noum souannuk fan nurun ewe American Immigration Lawyers Association. Ika en mi tongeni tota won na DOJ-accredited organization website.

OIRA mi tongeni anisi ekkewe refugess me chon tonong me nukun ngeni ekkoch programs ika aninis:

  • Kut angang me asuk.
  • Aninis ren chon tonong me nukun.
  • Chon asukuna ekkewe serafo.
  • Aninis ren ekkewe refuge ra chinap, semirit, chon sukun, me pwan ekkoch.
  • Ekkoch ekkei prokram ar suk mi chuan towaw non ei atun COVID-19. Mi wor minafon aninis ngonuk om kopwe amasou om angang ika aninisin chon asoso seni ar angang, anisi om sukun, me awor aninis ren imw. Monian aninis ren ekkewe chon etto seni leni mi wor maun(Refugee) me Aninisin safei ren ekkewe (Refugee Medical Assistance) a pwan tori Sept. 30, 2020.
  • Ren angangan me ekkoch poraus auchea, kokori 360-890-0691.

Fanitan ekkoch kapaseis ren an chon tonong me nukun puung, angeianinis fanitan aramasom/chiechiom mi kauno an angei aninisin, me pwan ekkoch poraus mi pwan chon arapakan ngeni, kopwe kokori ewe Washington Immigrant Solidaity Network hotline ren Nampa 1-844-724-3737. Chiaku won Phone mi pwan mumuta ika wor.

Semwenin non mokur me Ekiek

Ei epwe ew fansoun osukosuken ourek. Epwe nonoeoch ika en ika emon en mi fakun tongei epwe wor ami eourek, netipengaw, nuokus ika song. Esap en chon akkanamon. Mi eoch kopwe pwan kuta an om aninis me nukun.

Meinisin ir mei sokofesen non ar eurek me osukosuk mi ariafou. Met mi auchea kopwe fori kopwe tumunu inisum, om famini, me chon non neniom ren om tongeni.

Met e anisuk ren om opwe tufich non ei atun asosot? Ka mwo tou nukun ren churi chienom me om famini? Eni ren ngasemong ika aeawun, ekkoch taiso, ika ew maur mi akinamwe? Tumunu inisum ina ew auwonam, ren an epwe anisuk, me pwan ekisano om ourek.

Kori Washington Listens won 1-833-681-0211. Chiaku won phone mi kawor. Ren rongorong ngeni ei COVID-19 pandemic, Washington a awora ika atour ew prokraimin aninis itan Washington Listens. Ekkan aramas rekan fiti ika nom won en Washington Listens services ra angei aninisin ar repwe tongeni anisi ika aeochuno met ar eurek ren met mi kesiwin ren ei COVID-19. Washington Listens mi mut ngeni ese pwan nifinifin non Washington ar repwe fos ngeni emon mi angangeoch non pekin aninis. Chon koko mi kawor ngeni aninis me riri ngeni ewe community resources non ar kinikin. Ei program kosapw mo uro itom.

Ika ka nom non osukosuken moni kopwe fos ngeni emon ren pekin asukuna kopwe ifa usun, mei wor ekkoch finata kopwe sinei.

  • Ewe Disaster Distress Helpline mi kan awor asuk ngeni io aramas mei wor an osukosuken ekiek distress mi riri ngeni nonomun me osukosuken aramas disaster kokori 1-800-985-5990. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos. Ena neni mi suk 24 awa non ew iteiten ran.
  • Crisis Connections mi wor 24-Hour Crisis Line ekan awora aninis mi atepwanapwan ngeni emon me emon, famini, me chiechien ewe mi nom non osukosuken an ekiek. A kan anisi ewe aramas no nom non King County. Pekin chiaku mi kawor. Kori 1 866 427-4747.
  • National Suicide Prevention Lifeline mi awora apetin me aninis ren osukosuk ren ekkewe aramas ra kan ekiekin pusin afeiengawer. Atongeach kewe ir mi pwan tongeni kokori ewe lifeline ren aninis faniten aninisin ar famini me chiechier kewe. Kori 1-800-273-8255. Ei hotline mi suk 24 awa ew ran, 7 ran non ew week. Mi wor ew helpline fanitan chok ekkewe ir ra wate ar angang ngeni pekin sounfiu. Kokori namapa 1-800-273-8255 murn tiki 1. Ika pwe en emon mi pung seningom ika weires om kopwe rongorong fos, kokori 1 800-799-4889.

Kaworen mongo

Ika mei wor noun semirit ier 18 ika kis seni ir repwe mongo nge resap pwan moni me non ar kewe sukun. Aramas ir mei mukono nge mei wor terir nge ra fiti ekkewe sukun ir mei tufichin ar repwe mongo seni sukun. Non ekkoch fansoun, ekkei mongo remi kan tongeni uwei ngeni ika uwawou nukun sukun ika non ekkena bus stop. Kokori ena kinikin om na sukun en nom ia if ir me awor mongo ese kamo.

Ren ekkewe ir mei pwopwo, ika ekkewe ra keran nounou me ekkewe semirit kukun seni nimu ier, auwa tongeni angei enemi mongo seni ewe Department of Health's Women, Infants and Chilren (WIC) Program. Kokori 1-866-632-9992 ren pekin chiaku.

Food banks eni epwe ne kesiwin nour kunok ika fen kesipino ngeni fetan faniten ei watten tungorun mongo non ei atun Covid-19. Kose mochen kopwe koko me mwen om feino. Northwest Harvest pwan ew statewide food bank network Makeitiw itan ena city ke nom non ena pwor penimongun ena pwor mi anuwenfetin on ei website.

Ika pwe ke nom lon palieorun (Eastern Washington) kopwe weri ekkewe iteitan food banks won Second Harvest. Fini ena neni ke nom non me won ei website fan itan meni food banks e nom non om na kinikin.

Porausan me nonomoch faniten chomong famini

Iei ei fansoun eurek faniten unusen famini. Ikei ekkoch aninis ren om kopwe ifa ne atawei ei osukosuk ngeni noun semirit:

Unusen ewe famini repwe mwichefengen non ew neni mi kinamwe iwe ra apochokuna ngeni chochon ewe famini ar repwe kekepas eis fengen. Mi eoch epwe wor aiemufesen me ekkewe semirit fansoun mwich pokiten epwe wor nounou ekkoch kapas repwe weweitinge epwe fen efisata ar nukus me wewengaw.

Awora om fansoun ngeni famini me chiechiom won chok tengewa me online services.

Ika mi fen eoch om kopwe sinei, kopwe aukuku om nom won media outlets ika social media pokiten epwe awora ngonuk nuokus me noninen. Kopwe pwan sinei ika fitu media coverage ika social media noum we semirit a nounou faniten ei pandemic.

Kopwe chok atona ika anisi ekkewe semirit ne epechokuna ngenir kapas eis me anisir ren ar repwe weweiti met ei osukosuken ikenai.

  • poraus ngenir won met ra mefi me apungu ngenir ran ar repwe wewe.
  • Anisir ren ar repwe uwawou met ra mefi ika met mi nonom non ekiekir ren aunu mettoch ika fori ekkoch urumwot.
  • Afata fichi met poraus ese pung me met wewengaw ren ia usun an ei semwen chewfetan pwan esap meinisin semwenin faniten ach ngasengas ew minafon coronavirus an epwe ne efisata COVID-19.
  • Awora kinamwe me pwan nikitiw ne nonom.
  • Cheki noum kewe semirit iteiten ika inet ei osukosuk epwe kesiwin.
  • Cheki fichi tetenin an ewe famini fansoun mour, mongo, me taiso.
  • Fori ekkoch mettoch non imw ren an epwe efisi kinamwen ewe famini non ei fansoun eurek, ren anea book, katon kachito, ausening ngeni kon, nounou games, taiso ika fen fiti ekkoch angangen mwichefen (iotek, fiti fen won line).
  • Asina ekkei memef ren pos, chipwang ne nonom, nuokusun semwen, osukosuken ekieki met epwe fis, eurek me noninen ir ekkei sokun memef ngeni osukosuken eurekin ei Pandamic.
  • Anisi om we famini an epwe riri ngeni ekkoch apwapwa me angang mi namot ngeni nonon om we famini me eoreni.

Ekkewe ra watte seni 60 ier ir ekkewe ra nom non tetenin wate osukosuk ren ei COVID-19. Ika mei wor chon non om famini mei wate ierin mei nom reom, asina ekkei mettoch epwe akisano ei osukosuk.

  • Ngeni emon chon ewe famini epwe wiseni fori angangen no kamo non sitowa me ekkewe angang ese pwan penepin.
  • Chechemeni meinisin repwe tonu peur fansoun ra tori imw. Nimeti neni remi kan eaea fengeng, un mettoch, me non room iteiten.
  • Ika emon chon non neniom a wor ren ekkewe asisinen ewe semwen, aimuno seni meinisin ika mei tufich. Mi eoch ar repwe pusin imuno won ar room ika nenien tutu. Nimeti ewe ia remi kan eaea fengen me tumunu fichi pwe minisin chon non ewe imw repwe eaea mask non ewe fansoun a wor chon semwen ika fansoun awor monun semwen non ewe neni.

Poraus mi namot epwe pwan kawor