COVID-19 (Novel coronavirus) poraus mi auchea kopwe sinei, angang, me pisekin eaea non Washington State.

Fonen COVID-19: Aninis ren chon angang, bisinis kena, atetenin appos me pwan chomong

Ika pwe mi wor eom kapas eis kena usun COVID-19 ika ka mochen aninis ren foforun atetenin appos, kose mochen kori 1-800-525-0127 me pwan tiki #. Nupwen ra ponu, era kapasen fonuwom ren ach sipwe angei aninisin chon awewe. Ewe nampa a kan suuk iteiten ran me pwan awan kewe ra kan maaketiw non ewe Department of Health’s website (non kapasen Merika chok).

Repotini ew bisinis an atai

Bisinis kena repwe kan pesei ar repwe forata ekkena fofor ren safei me pwan tumun ren chon angang me pwan chon kamo. Ika pwe ka mochen repotini ew katan annuk, kose mochen kori ewe nampan an COVID-19 mi nom won ren aninis non kapasen fonuwom. Emon epwene eisinuk kapas eis usun ewe katan annuk me pwan uwanong ewe complaint fan itom. Kosap kan pwan uwanong itom ika nampa repwe koruk ie ren eom kopwe uwanong ei complaint.

Kopwe pwan kan file ew complaint non kapasen Merika won ewe Repotini ew katan COVID-19 peich.

Kose mochen maakei pwe ika kopwe kan awora itom ika nampa sipwe kokoruk won, epwe kan uwawow ika pwe emon a file ew tungor ren porausen taropwen meinisin. Records a kan itechik non ewe kapina we arongon poraus mi pinepin seni aramas (non kapasen Merika chok) epwe kan mowmowow usun mi seni fan an state we Public Records Act, RCW 42.56.

Chomong aninis ren chon angang, bisinis me mwich kena

Eaea aninisin awewe, ewe fon nampa epwe awena ngonuk ngeni ewe unusen nenien aninis me awenewen. Repwe kan pwan anisuk fininanong ewe COVID-19 taropwen porausen Bisinis me Chon angang ika pwe mi chuen wor eom kapas eis. Repwene kan eisinuk ren ew nampa repwe tongeni koruk pwe kopwe kan angei ew ponu.

Epwe afatafat

Ren ekkewe sofon poraus usun COVID-19, pachenong porausen appos, churi:

Mi wor ew ewetiwetin eukunon me pwan mangen momo tori September 30, 2021, ren meinisin fifi, fon mi seni non imw, me pwan konik. Sa kan pesei chon nonom ikei pwe repwe kokowenechar ngeni ar kewe kompenin fifi ren ar repwe eis usun aninisin momor ar niwinimang. Ren mo chomong poraus, ekkena aramas ra kan kuta aninisin awewen kapasen fonu repwe kan kori ewe nampan fon ren ewe Utilities & Transportation Commission's Consumer Protection Help Line (Pekin Tumunun Aninisin Chon kamo Fifi ma Wa) ren aninisin awewe: 1-888-333-9882 ika consumer@utc.wa.gov.

Ka mochen aninis ren momon eom utility? Ika pwe kose kan tongeni eom kopwe moni momon eom fifi, natural gas ika konik nupwen ewe semawter COVID-19, aninis mi kan kawor.

Suksefanin Washington

Governor Jay Inslee a kan koko ngeni chon nonom non Washington pwe repwe fofori ekkena fofor ngeni awukanon feinfetanen ewe COVID-19.

Nge ika mo ka angei unusenapen ekkewe appos, kopwe chok chuen fofori ekkena fofor pwe kopwe pwonupwonu inisum me pwan ekkoch nupwen ka kan nom non nenien aramas meinisin. Ena mi pachenong eaean ew masku, nonom esapw kis seni onu fit seni ekkoch, me pwan nom seni chomong mwichen aramas me pwan ekkena neni mi ngaw fetanen asepwan non. Me pwan pachenong, kopwe kan nom seni ekkena mwich fengen mi kan ekis watte ika watteno me pwan sopwesopweno ne nenengeni ekkena napenapen ewe COVID-19 akaewin ika pwe ka kan arap ngeni emon mi kan semwen. Ika pwe ka kan mefi napenapen ewe COVID-19, kopwene no angei ewe tes.

Churi an ewe county we webpage ren ususum iei (non kapasen Merika chok) ren chomong poraus ren tetenin suksefanin eom ei county iei.

Ekkewe minapen fofor ra kan mumuta iei ra kan etto murin:

  • Fofor mi fakkun euchea usun chok kamo mettoch, kaseni wom, angei eom safei ika etino ngeni ew eom atetenin safei.
  • Feino angang non ew bisinis mi euchea ika ew bisinis kena mi mumuta ar repwe suk fan an ewe Governor we ammon.
  • Saino eom kopwe angei mongo ka order seni ew kafie mi arap ngonuk. Kafie kena ra kan suk ren awukukun nampan chon mongo non ewe imw non teten 2 me 3.
  • Fetan fein me pwan no urumot nukun, nge ika chok a kan fofori ew taman nefinom seni aramas non ruwow meter (onu fit). Kopwe kan fofori eom kena urumot non ekkena neni mi arap ngeni imwomuna pwe kopwe apeti feinfetanen ewe COVID-19 me nukun neieom kena.
  • Eaean non ran ekkewe state parks me fanuen mun kewe ren neset, nii man me pwan ekkoch sakkun foforun urumot. Kamping a kan mumuta non state parks kena non ekkena county ra kan nom non teten 2 me 3.
WA Aronga pwa ngeni arongorong kena smarphone app
Image
WA_DOH_FlowChart_CHUUKESE.PNG

WA Atoto (WA Notify) (sa pwan sinei iten pwe Washington Pwangeni Atoto (Washington Exposure Notifications)) mi ew pisek a kan angang won smartphones ren an epwe amona ngeni chon nounou ika pwe ra kan pwano ngeni COVID-19 nge resapw eaea fengen porausen inisir.  A kan fakkun pineno seni meinisin me pwan ese kan sinei en io ika kuta ifa ka kan no ie.

Ifa usun ai upwe apechanong WA Notify ngeni nei we fon?

Won ew iPhone, atongeni Exposure Notifications non Settings:

  • Tonong non Settings

  • Scrolletiw ngeni Exposure Notifications

  • Tiki “Turn On Exposure Notifications”

  • Finata United States

  • Finata Washington

Won ew Android fon:

Won Android ika iPhone, scaneni ewe QR code:

WA Notify QR code

Ifa usun foforun?

Nupwen ka atongeni WA Notify, noum fon a ekesiwin ekkena chok, codes ese wor ra sinei me ekkewe fon seni aramas ka kan arap ngenir nge ra pwan kan atongeni WA Notify. Ewe app a kan eaea tumunun porausom seni aramas technologyin Low Energy Bluetooth ren an epwe ekesiwin ekkena chok codes nge rese pwarano ekkoch porauseom. Ika pwan emon chon eaea WA Notify ka kan arap ngeni non ekkewe ruwow wik a no nge murin a ka pung tessin ren COVID-19 me pwan fiti ekkewe fofor ne atotora ngeni ekkoch nge ese wor epwe sinei io we, kopwene pwan angei ew atotongeni seni emon kose sinei pwe meni ka kan pwa ngeni. Ei a kan mut ngonuk eom kopwe mutir angei ekkewe tumun ka mochen me pwan anisi pinei eom kosapw afein fetanei COVID-19 ngeni aramas kena arum.

Ew annuk a kan fori ewe kapach ren an aiitano chufengen kena ina epwe tongeni afeinano COVID-19 seni emon ekkena ran kan nom non taman mi tumun ika mwochenaf pwe ina kosapw pwan amon. WA Notify epwe amon ngonuk pwe meni ka kan pwano ngeni. Iwe ika kose angei ew amon epwe ew poraus mi eoch.

WA Notify im kawor non nap seni 30 sakkun fosen fonu kena pwe epwe chomong chon Washington repwe tongeni angei ei pisek ika sa tongeni.

Ifa usun porausei mi pin seni aramas tumununo?

WA Notify a kan anongonong won Google Apple Pwano Atotongeni technology, ina a foforita pwe epwe tumunu porausom mi pin seni aramas. A kan akangang me nukun nge esapw angai ika pwarano ifa nenien ika porausen emon, me pwan esapw mochen sinei io ika ia ka kan nonom ie ren an epwe angangeoch. Seni chok an eaea kukunun pechakunen Bluetooth, esapw amaino noum we batiri.

Fitinong non ei a kan unusen chok volenteri. Chon eaea repwene kan tonong ika towow non fansoun ese nifinifin. Ren chomong poraus usun tumunun poraus mi pin a kan tumun ren chon eaea, nengeni ewe WA Exposure Notifications kena annukun poraus mi pin.

Met a kan ia ususun ew atotongeni?

Mi wor ruwow sakkun atotongeni kopwene kan angei. Ekkena ra kan pung tesir repwe angei ew afatenon link text message me/ika pop-up atotongeni. WA Notify chon eaea kena meni ra kan pwangeni repwene kan angei ew pwa ngeni atotongeni. Kaeo usun ekkei atotongeni me pwan kuna ususir.

Ifa usun an epwe aninis?

Ew kaeo iei seni ewe University of Washington (fosun Merika chok) a kuna pwe ewe chomongen aramas ra eaea atoton pwano, epwe fakku napeno aninisin. Pungun a pwarata pwe WA Notify a amenewa ra awukuku 40-115 menawen aramas me pwan pinei epwe arapakan 5,500 COVID-19 cases nupwen ewe aewin ruwanu meram ra kan eaea. Ekkoch modelin ekkewe poraus ra kuna pwe ewe mo kukunun nampan aramas ra eaea WA Notify a kan akisano moungaw me mano seni COVID-19, a pwarata pwe WA Notify mi ew pisek mi fakkun echipwer ren pinepinen feinfetanen COVID-19.

Ekewe sokun kapas eis ra chok soun eis

Uwa angei ew atotongeni me/ika ew text seni eweWashington State Ofesin Pekin Safei (Washington State Department of Health) (DOH). Pwata?

DOH a tinawow ew text message me/ika ew pop-up atotongeni ngeni meinisin ekkena ra keran chok pung tesir ren COVID-19 pwe ina WA Notify chon eaea kena repwe mutir me pwan amona ngeni ekkoch nge resap sinei io we a tinawow ewe text ren ew meni pwano. Kaeo usun ekkei atotongeni me pwan kuna ususir.

Ika pwe ka kan angei me ruwow, kopwe kan chok tapeni ewe atotongeni ika tiki ewe link non ewe message me pwan fiti ekkewe ateten non WA Notify ren eom kopwe amona ngeni ekkoch chon eaea usun pwe meni ew pwano nge esapw wor epwe sinei io a tinawow ewe atotongeni.

Met upwe mochen WA Notify ika uwa kan angei ewe appos?

Ewer. Nge murin mo eom we ka kan unusen appos ngeni COVID-19, ke chuen chok mochen pwe kopwe fofori ekkewe tumun ren semauter. Ekkewe appor ra kan chok ew ach sipwe tumunu kich, nge mi chuen wor ew kukunun ngawen pwe kopwe chuen tongeni semwen ika asemauu ekkena resanmo appos.

Uwa angei ew atoto pwe upwe fesinanong nei we WA Notify taropwen poraus ngeni public health. Pwata?

An Washington State Department of Health (DOH) mochen sinei ifa usun eochun an WA Notify we fofor ngeni aramas pwe sipwe fori met kena epwe anepano eochun sia mochen ren ewe pisekin angang. Ika pwe ka mutata eaea fengenin eom kewe taropwen WA Notify, epetinon porausom epwe chuen chok ponupono. Esap wor porsausen inisum sia angai ika eaea fengen me pwan ese wor ew usun sipwe sinei en io. Chienon chok DOH epwe kan tongeni ekkei taropwe nge epwe chok non ekkewe tetenin non state.

Ika pwe ekkewe chon eaea WA Notify ra mutata eaea fengenin nour taropwe, meta kena ra angai?

Ika pwe ka mutata eaea fengenin eom kewe taropwen, epetinon porausom epwe chuen chok ponupono. Esap wor porsausen inisum sia angai ika eaea fengen me pwan ese wor ew usun sipwe sinei en io. Chienon chok ewe Washington State Department of Health epwe kan kuna ekkei taropwe me non ewe tetenin state, ina epwene pachenong:

  • Fita nampan aramas ra mutata ar repwe eaea fengen nour taropwe seni WA Notify. Ei epwe anisi kich pwe sipwe sinei ifa tipwen ach sosot mi kan.

  • Fita nampan Exposure Notifications ra angai seni chon eaea WA Notify. Ei e anisi kich ren ach sipwe kuna ususun ewe feinfaten ewe COVID-19.

  • Fita nampan aramas ra kan tiki won ew aronga arap ngeni. Ei e anisi ach kuta ifa an aramas mochen ar repwe nengeni meta ewe pekin safean meinisin ra kan apasa.

Fita nampan aramas ra kan arap ngeni emon mi pung tesin ren ewe COVID-19, nge ese naf eom arap ngeni ika mi naf taman eom arap ngeni ren ar repwene atora ngeni ren ew arap ngeni. Ei a anisi ach nenengeni ika ewe annuk sia fiti ne finata ew arap ngeni non WA Notify epwene fofor sefan.

Nupwen uwa mutanong WA Notify won nei we iPhone, met upwene angai ewe asukun “Amon ren Akaworan (Availability Alerts)” epwe uruta ika ukuno?

Keuno mi eoch. Ukuno mi eoch, nge sia pesei pwe uruta ika pwe ka saino nukun Washington state ren ew fansoun mi fakkun tameno. Nupwen Availability Alerts mi uruta, kopwene kan angai ew ator ngeni nupwen ka kan saino ngeni ew neni mi eaea arap ngeni atora teknologi mi kona seni WA Notify. Chon nounou iPhone repwe kan apechanong nap seni ew kinikin nge epwene tongeni finata ew chok kinikin epwe uruno fan ew fansoun chok. En kosapw kan atowouu ew kinikin ren eom kopwe aurata ew mifo. Chon nounou Android repwe kan pwan install atora ngeni arap ngeni app kena usun WA Notify seni nap seni ew state nge ew chok teknologi ra eaea mi wewe ngeni WA Notify epwe finite non ei fansoun pwe epwe uruta.

Met upwe tonong ren ai upwe eaea WA Notify?

Ewer. WA Notify ese wor momon me pwan volenteri. Ka kan tongeni towow non ew fansoun ka moche. Kopwe chok awukano ewe fichur ika amorano ewe app. Meinisin ekkewe code seni ese nifinifin ewe fon a isenir seni ekkoch chon eaea mi arap ngeni repwene pwan amorono me pwan resapw tongeni angei sefanir.

Met WA Notify mi ew app mi tongeni atepwa emon?

Apw, WA Notify ese kan atepwa ika tracini poraus usun ekkewe aramas ka kan arap ngenir, iwe ese kan fori “atepwan chon fituk (contact tracing).” Atepwan chon fiti emon ekan aiiti ekkena emon aramas a kan pung tesin ren COVID-19 meni a kan pwano ngeni. Ewe app ese kan angei ika ekesiwin ekkoch porausen aramas, iwe ese kan tongeni ren emon epwe sinei io kena ka kan arap ngeni.

Meta ei ew “pwano(exposure)”?

Ew pwano a fis nupwen ka kan nonom non fansoun mi fakkun tam arun pwan emon chon eaea WA Notify nge murin pwung ar tes pwe a torir COVID-19. Ei a etto murin afanefan seni ewe Ofe ren namenamen semwen me pinepinen(Centers for Disease Control and Prevention, CDC) iei(non kapasen Merika chok) usun taman nefinan aramas me pwan afeinfetanen ewe COVID-19. Ren ach sipwe sinei usun ew pwano, WA Notify a eaea ew sakkun annukun kapach kana mi anono ngeni an ewe CDC awewe ren ew arap ngeni chon fituk – me non arap ngeni 6 fit (2 meters) ren 15 minich ika nap seni nupwen fanoun monungaw – me pwan epwe tongeni awukuk seni chon angangen public health.

Met epwen fis ika WA Notify a ereniei pwe meni uwa kan pwano?

Ika WA Notify a detectini pwe meni en ka kan pwan pwano, ew atoto won noum we fon epwene awena ngonuk ngeni ew website a kan wor porauw usun met kopwene fori murin. Ei mi pachenong ifa me pwan ia kopweno tes ie, poraus usun tumunum me pwan ekkena ra kan arum, me pwan neni kena ren ponuen eom kapas eis. Mi fakkun euchea eom kopwe aneafichi me pwan fitieochu ekkewe awenewen won ewe website.

Met aramas repwe sinei ika a pung ai tes ren COVID-19?

Apw. WA Notify ese kan eaea fengen eoch porauseom ngeni pwan emon. Nupwen emon a angei ew atoto usun meni a pwano, repwe chok sinei pwe emon ra arap ngeni non ekkewe 14 ran a no a pung Tessin pwe a tori ewe COVID-19. Resapw sinei io we aramas, ian ekan ngeni me ia.

Met upwe moni ewe ngei ewe WA Notify?

Apw. WA Notify ese wor momon.

Ifa usun an WA Notify anisi Washington state?

Ew kaeo iei seni ewe University of Washington (fosun Merika chok) a kuna pwe ewe chomongen aramas ra eaea atoton pwano, epwe fakku napeno aninisin. Pungun a pwarata pwe WA Notify a amenewa ra awukuku 40-115 menawen aramas me pwan pinei epwe arapakan 5,500 COVID-19 cases nupwen ewe aewin ruwanu meram ra kan eaea. Ekkoch modelin ekkewe poraus ra kuna pwe ewe mo kukunun nampan aramas ra eaea WA Notify a kan akisano moungaw me mano seni COVID-19, a pwarata pwe WA Notify mi ew pisek mi fakkun echipwer ren pinepinen feinfetanen COVID-19.

Met WA Notify epwe fich ika pwe uwa saiwow nukun state?

Ewer. Ika pwe ka kan saino ngeni ew state mi aeae ewe app a kan eaea ewe Apple/Google technology, noum we fon epwe sopwesopweno ne ekesiwin codes seni ese nifinifin me ewe chon eaea non ewe state. Ese pwan wor met kopwe siwini non eom we app settings. Ika pwe ka mokutuwow seni Washington ren ew fansoun mi akatameno, iwe kopwe kan cheki met sakkun fin mi wor non eom we minafon state ren eom kopwe angei aninis seni neniom me pwan amon kena.

Met popun sia mochen me ruwow atepwa chon fituk me WA Notify?

Atepwan chon fituk a kan ew aninis mi fakkun eoch ren chon angangen public health ra eaea ren ar repwe pinei semwen ren engonun ier. WA Notify a kan anisi ei angang nge ese wor epwe sinei. Iei ew awewe: Ika pwe a kan pung tesum ren COVID-19, chon angangen public health meni repwene koruk me pwan eisinuk pwe kopwe eaea fengen ngenir io kewe ka kan arap ngeni non ei attun. Kosapw kan aiiti emon kose sinei ka kan mwot arun won ewe bus. Ika pwe ami me ruwomen auwa eaea WA Notify, ewe emon kose sinei seni ewe bus epwene kan amon ngeni nge esapw sinei io we a atorngeni usun ewe meni a kan pwano me pwan angei met epwe fori pwe epwe pinei feinfetanen ewe COVID-19 ngeni chienan me family. Usun chok totonun poum me eaea masku ew me ew ra kan anisi feinfetanen ewe COVID-19, chufengenir ra kan fakkun pechakun.

Ifa taman an WA Notify epwe atoto ngeni ekkoch chon eaea?

Chon eaea kena meni ra kan pwano ngeni COVID-19 seni pwan emon chon eaea repwene angei ew atoto me non 24 awa murin ewe COVID-chon eaea a pung tesin a fiti ekkewe met epwene fori non WA Notify ren an epwen amon ngeni ekkoch chon eaea nge resapw sinei ii io chon eaea WA Notify.

Met mi tongei fis ai upwene angei chomongen amon seni WA Notify?

Chon eaea kena meni ra kan pwano ngeni COVID-19 seni pwan emon chon eaea repwene angei ew atoto me non 24 awa murin ewe COVID-chon eaea a pung tesin a fiti ekkewe met epwene fori non WA Notify ren an epwen amon ngeni ekkoch chon eaea nge resapw sinei ii io chon eaea WA Notify.

Ifa usun ai upwe ereni WA Notify ika a pung tesii ren COVID?

Ika pwe a pung eom tes, nge ewe ofesin safean aramas a kouou reom, repwene eis ika en ka eaea WA Notify. Ika pwe en ka eaea, iwe repwene tinngonuk ew afatan link me/ika atoto me pwan anisuk ren eom kopwe fiti ekkewe fofor ren eom kopwe isenanong non ewe WA Notify. Ewe link ika atoto rese kan pach ngeni eom kewe porausen inis. Public health ese wor ew an epwe sinei io epwene atoto seni ewe app usun pwano nupwen ka kan fiti met kewe kopwene fori. Ewe atoton pwano esapw pwan pachenong eoch porauseom. Ewe chomongen aramas ra kan afatano pungun ar tes nge ese wor epwe sinei ir io nonWA Notify, iwe epwene ina eochunon ach sipwene pinei feinfetanen COVID-19.

Ika pwe a pung tessum me pwan chuen mochen afata pungun eom we tes non WA Notify, kori ewe COVID-19 Hotline non 1-800-525-0127, iwe tiki # me pwan fiti met ra apasa ren WA Notify.

Met mi wor ekkoch upwe fori murin ai apechanong WA Notify ngeni nei we fon?

Pwan ekkoch fofor epwe kan chok fis ika:

  1. A pung tessum ren COVID-19, ika

  2. Ka angei ewe atoto pwe en meni ka kan pwan pwano.

Ika pwe a pung eom tes, nge ewe ofesin safean aramas a kouou reom, repwene eis ika en ka eaea WA Notify. Ika pwe en ka eaea, iwe repwene tinngonuk ew afatan link me/ika atoto me pwan anisuk ren eom kopwe fiti ekkewe fofor ren eom kopwe isenanong non ewe WA Notify. Ewe link ika atoto rese kan pach ngeni eom kewe porausen inis. Public health ese wor ew an epwe sinei io epwene atoto seni ewe app usun pwano. Ewe atoton pwano esapw pwan pachenong eoch porauseom. Ewe chomongen aramas ra kan afatano pungun ar tes nge ese wor epwe sinei ir io nonWA Notify, iwe epwene ina eochunon ach sipwene pinei feinfetanen COVID-19.

Ika WA Notify a detectini pwe meni en ka kan pwan pwano, ew atoto won noum we fon epwene awena ngonuk ngeni ew website a kan wor porauw usun met kopwene fori murin. Ei mi pachenong ifa me pwan ia kopweno tes ie, poraus usun tumunum me pwan ekkena ra kan arum, me pwan neni kena ren ponuen eom kapas eis. Mi fakkun euchea eom kopwe aneafichi me pwan fitieochu ekkewe awenewen won ewe website. Ewe atoto esapw pachenong porausen io we a apwano ngonuk me pwan me ia. Mi unusenapen apet seni emon epwe sinei.

Met eaean WA Notify epwene amanoi nei we bateri ika eaea chomong data?

No. a kan foforita pwe epwe fakkun kukun foforun ngeni eom data me pwan manawen noum bateri ren an eaea Bluetooth Low Energy technology.

Met upwene chok fori pwe Bluetooth mi suuk ren WA Notify pwe epwe angang?

Ewer. WA Notify a eaea Bluetooth Low Energy, iwe Bluetooth epwe iteiten susuk chok ren ewe system epwe tongeni detectini ekkoch chon eaea mi arapngeni.

Met upwe fofori pwe ewe WA Notify epwe chok susuk won nei we fon ren an epwe angang?

No. WA Notify epwe angang non ewe me nukun.

Ifa usun an WA Notify pinei repotin tes kena mi mwaan?

WA Notify a fori pwe chon eaea kena ar repwe afata pungun ewe tes nge ese wor epwe sinei ir io seni ar eaea ewe afatan link ika atoto a kawor seni ekkewe chon angangen public health. Ewe link ika atoto rese kan pach ngeni aiititin emon. Murin eom tiki ika tapeni ewe afatan link ika atoto, WA Notify epwene kan matcheni ekkewe codes mi kan finita chok iteiten ren chon eaea kana ra kan nonom arap ngeni me pwan ator ngenir usun meni ra kan pwano. Ewe atoto esapw pachenong porausen io we a apwano ngonuk me pwan me ia. 

Met mi wor aninisin WA Notify won smartphone kena mi mesino?

Chon nounou iPhone repwe kan eaea WA Notify ika pwe noum we operating system mi:

  • iOS version 13.7 o ika mesino (ren iPhone 6s, 6s Plus, SE o ika sofono)

  • iOS version 12.5 (ren iPhone 6, 6 plus, 5s)

Chon nounou Android repwe tongeni eaea WA Notify ika pwe noum we Android smartphone e tongeni awora Bluetooth Low Energy me pwan Android Version 6 (API 23) o ika tekia seni.

Met upwene kan ier 18 ren ai upwe WA Notify?

Apw. WA Notify ese kan sinei ika cheki ierum.

Met ie technology epwe angang ika pwe uwa nounou fengen nei fon me emon?

WA Notify ese kan sinei io we a nounou ewe fon non ewe attun fansoun meni a pwano. Ika pwe ka kan nounou fengen ew fon, meinisin ekkena ra nounou ena fon repwene fiti ekkewe afanefan seni public health ika pwe WA Notify a apasa pwe mi wor ew pwano meni epwene ngeni ewe COVID-19.

Met WA Notify epwe angang won ekkewe mettoch usun iPads ika smart watches?

Apw. Ewe Exposure Notification framework a chok forita akaewin ren smartphones me pwan ese kan aninis won iPads ika tablets.

Meta ei Washington state a kan fofori ren an epwe awora totongenin ei technology ngeni ekkena aramas ese kan wor nour smart phones?

WA Notify ii esapw chok ena ew chok pisekin aninisin pinepinen feinfetanen COVID-19. Atepwa chon fituk me pwan ekkoch sakkun fofor a fakkun aninis ngeni chon non Washington, nge ika pwe ese wor nour smartphone. Appos ra kan ewe aewin eochun pinepinen feinfetanen COVID-19, me pwan eaea masku, tamen nefinach, me pwan awukuku saisen ewe chufengen ra kan ekkoch sakkun meinisin repwe kan anisi awukunon feinfetanen ewe COVID-19.

An ewe federal government we Program ren aninisin mon fon(Lifeline program) a kan awora ew iteiten maram creditin mon fon ren ekkena ra kan naf ngeni, Ekkena chon awora aninisin wireless ra kan fitinong meni repwene kan awora free smartphone. Kaeo chomong usun ewe program, io a naf ngeni, ifa usun eom kopwe aeoeo me pwan ekkena chon awora wireless ra kan fitinong non (fosun Merika chok).

Chechemeni, angei apposun ewe COVID-19 ina ena aewin eochun awukanon feinfetanen.

Pwata iei e usun WA Notify a kan eaea napenon menawenbatiri?

Nge wesewesen, ese kan ina. Eaean batiri won noum kenaf on a kan aweri ngonuk met persentin ewe batiri ka eaea iteitan ran mi pachenong ekkewe app usun WA Notify.. Mi chomong app rese uruno unusen pwin. Nge esapw pwan WA Notify, nge EKAN cheki nampa ese nifinifin iteitan ekkoch awa ren an pach ngeni emon chon eaea a pung pwe epwe kan ator ngonuk ren ekkoch arap ngeni epwene fis. Iwe, ren awewe, ika pwe ese pwan wor ekkoch app ra uruno nupwen ka kan mour,  WA Notify  epwene tipweni ew persent mi tekia ren eaean batiri nupwen ei fansoun. Ena esapw wewen pwe WA Notify  a kan eaea watten ewe batiri – nge ew chok tekian presentin ewe kukun nonon batiri ra eaea.

Washington a uwawou WA Notify non 30 kapasen fonu, iwe pwata uwa chok kuna non kapasen Merika me kapasen Spein non ewe sitowan Google Play?

WA Notify a kan chok angang fiti ewe kapasen fonu a foruta pwe epwene eaea won noun ewe chon eaea we fon. Mi wore w chok ukusin ewe WA Notify, nge pwan ekkoch pop-ups – ew arap ngeni ator ngeni, ren awewe – epwe pwata non ewe kapasen fonu ewe chon eaea e finata seni ekkewe 30 kapasen fonu Washington state a uwawou. 

Ua angei ew atoto me/ika ew text, nge ewe aramas a tes a emon chon ai family ika chon non imwei. Met upwene fori? 

Ewe WA Notify chon eaea a kan pung tesin epwe kan fiti ekkewe teten ren an epwe amon ngeni pwan ekkena meni repwene kan pwano nge ese wor epwe sinei ii, iwe kopwe chok ignoreni ekkena text ika atoto repwene kan ngonuk.

Ika pwe eom family ika chon non imwom a emon WA Notify chon eaea, a kan pung tesin, me pwan chuen mochen epwe afata ar we pung non WA Notify, repwene kan kori ewe COVID-19 hotline non 1-800-525-0127, iwe tiki # me pwan fiti ekkewe afanefan ren WA Notify. Nupwen ewe koko a ponu, eis ren ew WA Notify afatan link.

Fita fansoun a wor rei ren ai upwene kan tapeni ewe atoto ika activateni ewe afatan link?

A kan wor 24 awa murin eom angei ewe atoto me text message ren eom kopwe fori ekkewe fofor ren ator ngeni ekkoch kena non WA Notify. Ika pwe kose tongeni tapeni ewe atoto me pwan tiki ewe afatan link me non ewe fansoun, kose mochen kopwe kori ewe COVID-19 hotline non 1-800-525-0127, iwe tiki # me pwan fori ekkewe afanefan fen WA Notify. Nupwen ewe koko a ponu, eis ren ew WA Notify afatan link. Kopwene kan pwan tungor ew link nupwen ewe public health a kan kokoruk usun pungun eom we tesin COVID-19.

Pwata Washington a finata ei fofor ngeni?

Washington a forata ew mwichen pwe repwe nenengeni, mi pachenong security me pwan chon sinei eochu pungun aramas me pwan chon non ekkoch ekkena nenien aramas, ren ar repwe checheki ewe Apple/Google fofor ngeni. An ewe mwich we finitan pwe repwe angai a ka anongong won an ewe platform we pwaratan foforieochun, eochun tumunun data me pwan eaean seni pwan ekkoch states.

Met kewe mi namot me auchea fan iten Angang me Sopai

Aninisin ekkewe remi tou seni ar angang

Ika en mi wes seni om anganag, en mi tufichin nom won ena aninisin chon angang ir mei tou seni ar angang. Ika ke mochen sinei ifa usun om kopwe amasowa ewe taropwen aninisin mei tou ika wes seni ar angang, kopwe (unemployment benefits) ka tongeni kokori 1-800-318-6022. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Chon Angang me ekkewe ar ewe Sopai

Ei Coronavirus pandemic a wor afeiengawan ngeni pukuwan me ngeroun chon angang me Angang non ach ei State.

Tumunun chon angang, mi pwan ku ekkewe nenien angang:

  • Asukuna nour kewe chon angang usun sainen me asisinen ei COVID-19 non pusin fosun fonuwer.
  • Forata ew social distancing plan.
  • Iteiten nge awor angangen animenim me sanitizing.
  • Iteiten nge awora ifa usun ar repwe tenu paur.
  • Tumunufichi pwe ekkewe chon angang repwe nomotiw neimw fansoun ra semwen.

Ponu ngeni ekkena kapas eis mi wewe fengen seni aramas usun asoson semwen mi momo, momo ngeni chon angang me pwan ekis porausen tumunun nenien angang epwe wor a kan kawor seni ewe ofesin Department of Labor & Industries non chomong kapasen fonu.

Ika ke osukosuk ren pekin tumun ren om ewe nenien angang, ka tongeni fori om atutur ren kokori ewe Department of Labor & Industries ren kokori nampa 800-423-7233. Chiaku won phone mi kawor.

Ika mi wor om kapas eis fan itan om we sopai me noum chon angang ren ei COVID-19, ka tongeni kokori ewe Putain (Employment Security Department)ren nampa 855-829-9243.

Tumunun semau me pwal lenien aworan insurens ren safei

Ka tongeni nounou insurance epwe ese kamo ika kukun chok met kopwe moni. Kokori ewe Health Care Authority won nampa 1-855-923-4633. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Ewe Alien Emergency Medical (AEM) Coverageew prokram ren ekkan aramas ir mei tufichin ar repwe nom won ewe qualifying medical emergency and rese tori ewe akaukun pwe ir wesewesen chon ewe neni ika rese tori ewe 5-ier bar.

Ewe Help Me Grow Washington Hotline at 1-800-322-2588 an epwe finata sokopaten health program me aninis en mi tufichin nom won me pwan anisuk om kopwe amasou ngeni. Iei mi kapachenong:

  • WIC (Women, Infants & Children Nutrition Program)/li>
  • Health Insurance ren semirit, fefin mi pwopwo me aramas mei mukono/li>
  • Anefina nefinen nounou non ewe Take Charge Program/li>
  • Pechakun me kokotun famini clinics/li>
  • Pwopwo me pisekin ekkewe monukon/li>
  • Aninis ren pekin aupu semirit/li>
  • Mei pwan wor prokram mi kawor fanitan mongo ika aninisin inis.
Poraus fanitan chon tonong me nukun me pwal chon tonlong seni leni kena mi wor maun

Ewe Office of Immigrant and Refugee Affairs (OIRA) a kan anisi chon etto ikei ar repwe weweiti poraus mi nomot usun COVID-19 me pwan an chon etto ikkei nonien kena. Ekkoch mettoch mi auchea om kopwe sinei:

  • Ekkewe Pioing me ekkewe nenien safei ika anisi chon semwen ese mumuta ar repwe uwawou ngeni ewe ICE nonomun emon chon tonong me nukun. Angei chekin COVID-19 me nom won aninisin mei osupwang ika nom won aninisin safei mei kukun ese apeti om tufichin amasou ngeni green card me chon nefonuno non ew neni.
  • Kopwe nounou ew social security nampa mei eoch ren om kopwe amasou ngeni ewe aninis ren chon angang ir mei asoso seni ar angang. Ika ke mochen fos ngeni emon fan iten om kopwe angei ei aninisin chon asoso seni ar angang kopwe kokori namapa 1-800-318-6022.
  • Om nounou ewe aninisin chon asoso seni ar angang esap aosukosuka om tufichin amasou ngeni green card ika chon ne fonuno fan nurun ewe allukun Public Charge.
  • En mi tufichin nom won ewe Washington State Paid Family me Medical Leave ren om kopwe tumunu emon mi tori ewe semwen Covid-19 ika tumunu pusin en ika a toruk ewe virus. Kose pwan nounou social security nampa ren om kopwe nounou ei pekin aninis. ESD mi etiwa chomong ese pwan nifinifin sokopaten taropwe.
  • Ika pwe en emon chon eani ew bisinis nge ka kan kut aninis, kopwe aeoeo ren ew atepwanepwanen monien paro seni ewe An Munnap Ofes ren Bisinis mi Kukun (Federal Small Business Administration) esapw angawano eom tongeni angei ew katon nonom ikei ika kopwe emon chon ikei.

Ewe Office of Immigrant and Refugee Affairs (OIRA) a kan pesi pwe ika pwe kose kan sinei nonomum ika usun emon chon non eom family, ika aninisum, kokori emon souannukun immigiration, chon angangen immigiration ika emon epwe tipwenuk mi mumuta seni ewe ofesin Department of Justice (DOJ). Kopwene kan tongeni weri emon souannukun immigiration me non ewe mwich Mwichen Remerika Souannuk Ren Chon etto ikei (American Immigiration Lawyers Association), ika kopwe kan churi ew website ren ekkena mwich mi mumuta seni ewe DOJ.

OIRA mi tongeni anisi ekkewe refugess me chon tonong me nukun ngeni ekkoch programs ika aninis:

  • Kut angang me asuk.
  • Aninis ren chon tonong me nukun.
  • Chon asukuna ekkewe serafo.
  • Aninis ren ekkewe refuge ra chinap, semirit, chon sukun, me pwan ekkoch.
  • Ekkoch ekkei prokram ar suk mi chuan towaw non ei atun COVID-19. Mi wor minafon aninis ngonuk om kopwe amasou om angang ika aninisin chon asoso seni ar angang, anisi om sukun, me awor aninis ren imw. Monian aninis ren ekkewe chon etto seni leni mi wor maun(Refugee) me Aninisin safei ren ekkewe (Refugee Medical Assistance) a pwan tori Sept. 30, 2020.
  • Ren angangan me ekkoch poraus auchea, kokori 360-890-0691.

Fanitan ekkoch kapaseis ren an chon tonong me nukun puung, angeianinis fanitan aramasom/chiechiom mi kauno an angei aninisin, me pwan ekkoch poraus mi pwan chon arapakan ngeni, kopwe kokori ewe Washington Immigrant Solidaity Network hotline ren Nampa 1-844-724-3737. Chiaku won Phone mi pwan mumuta ika wor.

Semwenin non mokur me Ekiek

Ei epwe ew fansoun osukosuken ourek. Epwe nonoeoch ika en ika emon en mi fakun tongei epwe wor ami eourek, netipengaw, nuokus ika song. Esap en chon akkanamon. Mi eoch kopwe pwan kuta an om aninis me nukun.

Meinisin ir mei sokofesen non ar eurek me osukosuk mi ariafou. Met mi auchea kopwe fori kopwe tumunu inisum, om famini, me chon non neniom ren om tongeni.

Met e anisuk ren om opwe tufich non ei atun asosot? Ka mwo tou nukun ren churi chienom me om famini? Eni ren ngasemong ika aeawun, ekkoch taiso, ika ew maur mi akinamwe? Tumunu inisum ina ew auwonam, ren an epwe anisuk, me pwan ekisano om ourek.

Kori Washington Listens won 1-833-681-0211. Chiaku won phone mi kawor. Ren rongorong ngeni ei COVID-19 pandemic, Washington a awora ika atour ew prokraimin aninis itan Washington Listens. Ekkan aramas rekan fiti ika nom won en Washington Listens services ra angei aninisin ar repwe tongeni anisi ika aeochuno met ar eurek ren met mi kesiwin ren ei COVID-19. Washington Listens mi mut ngeni ese pwan nifinifin non Washington ar repwe fos ngeni emon mi angangeoch non pekin aninis. Chon koko mi kawor ngeni aninis me riri ngeni ewe community resources non ar kinikin. Ei program kosapw mo uro itom.

Ika ka nom non osukosuken moni kopwe fos ngeni emon ren pekin asukuna kopwe ifa usun, mei wor ekkoch finata kopwe sinei.

  • Ewe Disaster Distress Helpline mi kan awor asuk ngeni io aramas mei wor an osukosuken ekiek distress mi riri ngeni nonomun me osukosuken aramas disaster kokori 1-800-985-5990. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos. Ena neni mi suk 24 awa non ew iteiten ran.
  • Crisis Connections mi wor 24-Hour Crisis Line ekan awora aninis mi atepwanapwan ngeni emon me emon, famini, me chiechien ewe mi nom non osukosuken an ekiek. A kan anisi ewe aramas no nom non King County. Pekin chiaku mi kawor. Kori 1 866 427-4747.
  • National Suicide Prevention Lifeline mi awora apetin me aninis ren osukosuk ren ekkewe aramas ra kan ekiekin pusin afeiengawer. Atongeach kewe ir mi pwan tongeni kokori ewe lifeline ren aninis faniten aninisin ar famini me chiechier kewe. Kori 1-800-273-8255. Ei hotline mi suk 24 awa ew ran, 7 ran non ew week. Mi wor ew helpline fanitan chok ekkewe ir ra wate ar angang ngeni pekin sounfiu. Kokori namapa 1-800-273-8255 murn tiki 1. Ika pwe en emon mi pung seningom ika weires om kopwe rongorong fos, kokori 1 800-799-4889.
Kaworen mongo

Ika mei wor noun semirit ier 18 ika kis seni ir repwe mongo nge resap pwan moni me non ar kewe sukun. Aramas ir mei mukono nge mei wor terir nge ra fiti ekkewe sukun ir mei tufichin ar repwe mongo seni sukun. Non ekkoch fansoun, ekkei mongo remi kan tongeni uwei ngeni ika uwawou nukun sukun ika non ekkena bus stop. Kokori ena kinikin om na sukun en nom ia if ir me awor mongo ese kamo.

Ren ekkewe ir mei pwopwo, ika ekkewe ra keran nounou me ekkewe semirit kukun seni nimu ier, auwa tongeni angei enemi mongo seni ewe Department of Health's Women, Infants and Chilren (WIC) Program. Kokori 1-866-632-9992 ren pekin chiaku.

Food banks eni epwe ne kesiwin nour kunok ika fen kesipino ngeni fetan faniten ei watten tungorun mongo non ei atun Covid-19. Kose mochen kopwe koko me mwen om feino. Northwest Harvest pwan ew statewide food bank network Makeitiw itan ena city ke nom non ena pwor penimongun ena pwor mi anuwenfetin on ei website.

Ika pwe ke nom lon palieorun (Eastern Washington) kopwe weri ekkewe iteitan food banks won Second Harvest. Fini ena neni ke nom non me won ei website fan itan meni food banks e nom non om na kinikin.

Kartun aninisin pekin mwongo

Aninisin Pekin Mwongo (EBT) cards epwe tongeni aa an epwe moni mwongo me pwan kawor ngeni ese pwan nifinifin aramas. U.S. citizens ra tongeni apply ekei aninis won ewe Basic Food peich won ewe Washington State Department of Social and Health Services (DSHS) website.

Porous: Ewe federal government a fori ekoch angang an epwe kawor ekei metoch ren ekocharamas fansoun ei osukosuk. Ina mwo nge, ewe federal government ra mochen pwe kopwe emon U.S. citizen omw kopwe angei ekei pekin aninis.

Ekewe sokun Debit cards usun ekewe ra aweweti asan ra kawor ngeni chomong ekewe esap ir chon ikei me a mi wor rer ekewe metoch ewe prokram a mochen. Kemi tongeni apply ekei pekin aninis ren ewe DSHS State Food Assistance Program (only in English).

Porausan me nonomoch faniten chomong famini

Iei ei fansoun eurek faniten unusen famini. Ikei ekkoch aninis ren om kopwe ifa ne atawei ei osukosuk ngeni noun semirit:

Unusen ewe famini repwe mwichefengen non ew neni mi kinamwe iwe ra apochokuna ngeni chochon ewe famini ar repwe kekepas eis fengen. Mi eoch epwe wor aiemufesen me ekkewe semirit fansoun mwich pokiten epwe wor nounou ekkoch kapas repwe weweitinge epwe fen efisata ar nukus me wewengaw.

Ika mi fen eoch om kopwe sinei, kopwe aukuku om nom won media outlets ika social media pokiten epwe awora ngonuk nuokus me noninen. Kopwe pwan sinei ika fitu media coverage ika social media noum we semirit a nounou faniten ei pandemic.

Kopwe chok atona ika anisi ekkewe semirit ne epechokuna ngenir kapas eis me anisir ren ar repwe weweiti met ei osukosuken ikenai.

  • poraus ngenir won met ra mefi me apungu ngenir ran ar repwe wewe.
  • Anisir ren ar repwe uwawou met ra mefi ika met mi nonom non ekiekir ren aunu mettoch ika fori ekkoch urumwot.
  • Afata fichi met poraus ese pung me met wewengaw ren ia usun an ei semwen chewfetan pwan esap meinisin semwenin faniten ach ngasengas ew minafon coronavirus an epwe ne efisata COVID-19.
  • Awora kinamwe me pwan nikitiw ne nonom.
  • Cheki noum kewe semirit iteiten ika inet ei osukosuk epwe kesiwin.
  • Cheki fichi tetenin an ewe famini fansoun mour, mongo, me taiso.
  • Fori ekkoch mettoch non imw ren an epwe efisi kinamwen ewe famini non ei fansoun eurek, ren anea book, katon kachito, ausening ngeni kon, nounou games, taiso ika fen fiti ekkoch angangen mwichefen (iotek, fiti fen won line).
  • Asina ekkei memef ren pos, chipwang ne nonom, nuokusun semwen, osukosuken ekieki met epwe fis, eurek me noninen ir ekkei sokun memef ngeni osukosuken eurekin ei Pandamic.
  • Anisi om we famini an epwe riri ngeni ekkoch apwapwa me angang mi namot ngeni nonon om we famini me eoreni.
Poraus mi namot epwe pwan kawor

Washington State Commission on Asian Pacific American Affairs (CAPAA)