ខូវីដ-១៩ (វីរុសកូរ៉ូណាប្រភេទថ្មី) - ព័ត៌មាន សេវា និងធនធាន នៅរដ្ឋវ៉ាស៊ីនតោន

ខ្សែទូរសព្ទហតឡាញ សម្រាប់ជំងឺខូវីដ-១៩

ប្រសិនបើអ្នកមានសំនួរអំពីជំងឺខូវីដ-១៩ សូមទូរសព្ទមកលេខ ១-៨០០-៥២៥-០១២៧ ហើយចុចលេខ #។ នៅពេលពួកគេឆ្លើយតប ចូរនិយាយភាសារបស់អ្នកដើម្បីទទួល បានសេវាបកប្រែ។ ខ្សែទូរសព្ទហតឡាញចាប់បើកពីម៉ោង ៦ ព្រឹក ដល់ ១០ ល្ងាច ពីថ្ងៃច័ន្ទដល់ថ្ងៃសុក្រ និងពីម៉ោង ៨ ព្រឹក ដល់ ៦ ល្ងាច នៅថ្ងៃសៅរ៍-អាទិត្យ។

ព័ត៌មានអាប់ដេតបច្ចុប្បន្ន

គិតត្រឹមថ្ងៃទី២៦ ខែមិថុនា ឆ្នាំ២០២០ ប្រជាជនទាំងអស់នៅរដ្ឋវ៉ាស៊ីនតោន នឹងត្រូវបាន តម្រូវឲ្យពាក់អ្វីបិទបាំងមុខ ប្រសិនបើពួកគេស្ថិតនៅក្នុងទីធ្លាខាងក្នុងកន្លែងសាធារណៈ ឬនៅកន្លែងខាងក្រៅនានា ហើយមិនអាចនៅចម្ងាយ ៦ ហ្វីត (២ ម៉ែត្រ) ពីអ្នកដទៃបាន។ ប្រជាជនមួយចំនួនអាចមានបញ្ហាសុខភាពដែលធ្វើឱ្យមិនមានសុវត្ថិភាពក្នុងការពាក់អ្វីបិទបាំងមុខ ប៉ុន្តែគ្មាននរណាម្នាក់ត្រូវបានតម្រូវឱ្យបង្ហាញភស្តុតាងថាពួកគេមានបញ្ហាសុខភាពទេ។ ដូចគ្នានេះផងដែរ និយោជកទាំងអស់ត្រូវបានតម្រូវឱ្យផ្តល់អ្វីបិទបាំងមុខឬម៉ាស់ដល់ និយោជិតទាំងអស់ដែលមិនធ្វើការតែម្នាក់ឯង។

នៅថ្ងៃទី៣១ ខែឧសភា អភិបាល Inslee បានពន្យារពេលការផ្អាកជាបណ្ដោះអាសន្នលើការ ផ្ដាច់សេវានិងថ្លៃយឺតយ៉ាវរហូតដល់ថ្ងៃទី២៨ ខែកក្កដា សម្រាប់ថាមពល ខ្សែទូរសព្ទលើដី និងសេវាប្រើប្រាស់ទឹកទាំងអស់។ ប្រជាពលរដ្ឋត្រូវបានលើកទឹកចិត្តឱ្យទូរសព្ទទៅក្រុម ហ៊ុនផ្គត់ផ្គង់សេវារបស់ពួកគេដោយផ្ទាល់ ដើម្បីស្នើសុំជំនួយក្នុងការទូទាត់វិក្កយបត្ររបស់ ពួកគេ។

លោកអភិបាលក៏បានពន្យាពេលការផ្អាកជាបណ្ដោះអាសន្ននូវបណ្តេញចេញនានារហូតដល់ថ្ងៃទី១ ខែសីហា។ ប្រសិនបើម្ចាស់ដីឬអ្នកគ្រប់គ្រងទ្រព្យសម្បត្តិរបស់អ្នករំលោភលើការផ្អាក ជាបណ្ដោះអាសន្ននេះ អ្នកអាចទូរសព្ទទៅការិយាល័យអគ្គព្រះរាជអាជ្ញា និងផ្ញើសារមួយ ទៅលេខ (៨៣៣) ៦៦០-៤៨៧៧ ហើយជ្រើសរើសជម្រើសលេខ ១។ បុគ្គលិកណាម្នាក់នឹង ទូរសព្ទត្រឡប់ទៅអ្នកវិញ។

តើជំងឺខូវីដ-១៩គឺជាអ្វី?

ជំងឺខូវីដ-១៩ គឺជាជំងឺផ្លូវដង្ហើម។ វាឆ្លងតាមរយៈការកណ្តាស់និងក្អក ការទំនាក់ទំនង ជិតស្និទ្ធជាមួយអ្នកដទៃ រួមមានការចាប់ដៃគ្នានិងការបរិភោគអាហារឬភេសជ្ជៈរួមគ្នា។

តើរោគសញ្ញាមានអ្វីខ្លះ?

រោគសញ្ញាចម្បងៗនៃជំងឺខូវីដ-១៩ មានការក្អក ការថប់ដង្ហើម ឬយ៉ាងហោចណាស់ពីរនៃ រោគសញ្ញាទាំងនេះ៖ គ្រុនក្តៅ រងារ ញាក់ញ័រ ឈឺសាច់ដុំ ឈឺក្បាល ឈឺបំពង់ក បាត់បង់ អារម្មណ៍រសជាតិឬក្លិនថ្មីៗ។

តើអ្នកណាដែលមានហានិភ័យជាងគេ?

មនុស្សវ័យចំណាស់ មនុស្សគ្រប់វ័យដែលមានបញ្ហាសុខភាពផ្សេងទៀត និងស្ត្រីមានផ្ទៃពោះ អាចមានហានិភ័យខ្ពស់ក្នុងការកើតជំងឺកូវីដ-១៩កម្រិតធ្ងន់ធ្ងរបាន។

ការពារខ្លួនអ្នកនិងសហគមន៍របស់អ្នក៖

  • នៅផ្ទះឱ្យបានច្រើនតាមដែលអាចធ្វើទៅបាន ជាពិសេសប្រសិនបើអ្នកឈឺ។
  • ប្រើក្រណាត់បិទបាំងមុខនៅទីសាធារណៈ
  • ស្ថិតនៅចម្ងាយ ៦ ហ្វីត (២ ម៉ែត្រ) ពីអ្នកដទៃ។
  • លាងដៃឱ្យបានញឹកញាប់ ឬប្រើទឹកអនាម័យដៃ។
  • យកអ្វីបិទបាំងនៅពេលអ្នកក្អកនិងកណ្តាស់។
  • កុំប៉ះមុខរបស់អ្នក។
  • សម្អាតផ្ទៃទាំងឡាយក្នុងផ្ទះរបស់អ្នក។
  • ប្រសិនបើអ្នកមានរោគសញ្ញានៃជំងឺខូវីដ-១៩ សូមទាក់ទងអ្នកផ្តល់សេវាថែទាំសុខភាព របស់អ្នក ហើយស្នើសុំឱ្យធ្វើតេស្ត។ ប្រសិនបើអ្នកមិនមានអ្នកផ្តល់សេវាថែទាំសុខភាព ទេ សូមទាក់ទងមណ្ឌលថែទាំបន្ទាន់នៅជិតអ្នក។ ប្រសិនបើអ្នកមិនមានការធានា រ៉ាប់រងទេ សូមទាក់ទងមន្ទីរសុខាភិបាលក្នុងមូលដ្ឋានរបស់អ្នក។

ព័ត៌មាននិងធនធានបន្ថែមអំពីជំងឺខូវីដ-១៩ និងការរក្សាសុខភាព៖

ការបើកវ៉ាស៊ីនតោនឡើងវិញ៖ ផែនការ Safe Start Plan

ដើម្បីជួយបញ្ឈប់ការរីករាលដាលនៃជំងឺខូវីដ-១៩ អភិបាល Inslee បានស្នើសុំឱ្យប្រជាពលរដ្ឋ នៅវ៉ាស៊ីនតោនស្នាក់នៅផ្ទះឱ្យបានច្រើនតាមដែលអាចធ្វើទៅបាន។ ផែនការនេះមានបួន ដំណាក់កាល សម្រាប់ការបើកអាជីវកម្មនិងសកម្មភាពឡើងវិញ។ ខោនធីនីមួយៗដាច់ខាត ត្រូវអនុវត្តជាបួនដំណាក់កាល។

បច្ចុប្បន្ននេះសកម្មភាពសំខាន់ៗដែលត្រូវបានអនុញ្ញាតរួមមាន៖

  • សកម្មភាពចាំបាច់ៗដូចជាការទិញគ្រឿងទេស ការយកហ្គាស ការទៅយកថ្នាំពេទ្យ ឬការទៅជួបណាត់គ្រូពេទ្យ។
  • ការទៅធ្វើការនៅ អាជីវកម្មចាំបាច់ ឬអាជីវកម្មមួយដែលត្រូវបានអនុញ្ញាតឱ្យបើកឡើងវិញនៅក្រោមផែនការ Safe Start របស់អភិបាល។
  • ការទៅយកចំណីអាហារកុម្ម៉ង់ខ្ចប់ពីភោជនីយដ្ឋានក្បែរនោះ។ ភោជនីយដ្ឋាន ទាំងឡាយត្រូវបើកឱ្យមានការអង្គុយបរិភោគដោយមានការរឹតត្បិតនៅក្នុងដំណាក់ កាលទី២។
  • ការចេញទៅខាងក្រៅសម្រាប់ការដើរនិងហាត់ប្រាណ ដរាបណាការរក្សាគម្លាត រាងកាយចម្ងាយ ៦ ហ្វីត (២ ម៉ែត្រ) ត្រូវបានរក្សា។ ចូរកម្សាន្តនៅតាមតំបន់នានា ដែលនៅជិតផ្ទះដើម្បីជៀសវាងការរីករាលដាលនៃជំងឺខូវីដ-១៩ នៅខាងក្រៅសហ គមន៍របស់អ្នក។
  • ចូរប្រើពេលថ្ងៃនូវឧទ្យានរដ្ឋនិងដីធ្លីសាធារណៈ សម្រាប់ការនេសាទ ការបរបាញ់ និងគោលបំណងកម្សាន្តផ្សេងៗទៀត។ ការបោះជំរុំត្រូវបានអនុញ្ញាតនៅឧទ្យានរដ្ឋ នៅតាមខោនធីទាំងឡាយ ដែលយ៉ាងហោចណាស់ស្ថិតនៅក្នុងដំណាក់កាលទី២។

ធនធានទាក់ទងនឹងការងារនិងអាជីវកម្ម

តាវកាលិកនិកម្មភាព

ប្រសិនបើអ្នកបាត់បង់ការងាររបស់អ្នក អ្នកអាចមានលក្ខណៈសម្បត្តិគ្រប់គ្រាន់ក្នុងការទទួល បានតាវកាលិកនិកម្មភាព។ ប្រសិនបើអ្នកត្រូវការព័ត៌មានអំពីរបៀបបំពេញសំណើទាមទារ តាវកាលិកនិកម្មភាព អ្នកអាចទូរសព្ទមកលេខ ១-៨០០-៣១៨-៦០២២។ នៅពេលពួកគេឆ្លើយ តប ចូរនិយាយភាសារបស់អ្នកដើម្បីទទួលបានសេវាបកប្រែ។

កម្មករនិយោជិតនិងម្ចាស់អាជីវកម្ម

ការរាតត្បាតវីរុសកូរ៉ូណាបានប៉ះពាល់ដល់កម្មករនិយោជិតនិងនិយោជករាប់រយរាប់ពាន់នាក់នៅក្នុងរដ្ឋរបស់យើង។

ដើម្បីរក្សាសុវត្ថិភាពជូនកម្មករនិយោជិត និយោជកត្រូវបានតម្រូវឱ្យ៖

  • អប់រំកម្មករនិយោជិតរបស់ពួកគេអំពីសញ្ញានិងរោគសញ្ញានៃជំងឺខូវីដ-១៩ ជាភាសា ដែលពួកគេយល់។
  • អនុវត្តផែនការរក្សាគម្លាតរាងកាយ។
  • ធ្វើការសម្អាតនិងធ្វើអនាម័យឱ្យបានញឹកញាប់។
  • ធានាឱ្យបាននូវការលាងដៃញឹកញាប់និងត្រឹមត្រូវ។
  • ត្រូវប្រាកដថានិយោជិតដែលឈឺនៅផ្ទះ។

ប្រសិនបើអ្នកមានការព្រួយបារម្ភអំពីសុវត្ថិភាពនៅកន្លែងធ្វើការ អ្នកអាចដាក់ពាក្យបណ្តឹង ដោយទូរសព្ទទៅ Department of Labor & Industries (ក្រសួងការងារនិងឧស្សាហកម្ម) ដោយផ្ទាល់តាមលេខ ៨០០-៤២៣-៧២៣៣។ សេវាបកប្រែតាមទូរសព្ទនឹងមានផ្ដល់ជូន។

ប្រសិនបើអ្នកមានសំណួរអំពីអាជីវកម្មនិងនិយោជិតរបស់អ្នកក្នុងអំឡុងពេលផ្ទុះជំងឺខូវីដ-១៩ អ្នកអាចទូរសព្ទទៅ Employment Security Department (ក្រសួងសន្តិសុខការងារ) តាមលេខ ៨៥៥-៨២៩-៩២៤៣។

ធនធានទាក់ទងនឹងការថែទាំសុខភាពនិងធានារ៉ាប់រងសុខភាព

អ្នកអាចមានសិទ្ធិទទួលបានការធានារ៉ាប់រងសុខភាពដោយឥតគិតថ្លៃឬក្នុងតម្លៃទាប។ ទូរសព្ទទៅ Health Care Authority (អាជ្ញាធរថែទាំសុខភាព) តាមលេខ ១-៨៥៥-៩២៣-៤៦៣៣។ នៅពេលពួកគេឆ្លើយតប ចូរនិយាយភាសារបស់អ្នកដើម្បីទទួលបានសេវាបកប្រែ។

ការធានា Alien Emergency Medical (AEM) គឺជាកម្មវិធីសម្រាប់បុគ្គលដែលមានស្ថានភាព អាសន្នផ្នែកវេជ្ជសាស្ត្រដែលមានលក្ខណៈសម្បត្តិគ្រប់គ្រាន់ ហើយមិនបានបំពេញតាម លក្ខខណ្ឌតម្រូវផ្នែកសញ្ជាតិឬអន្តោប្រវេសន៍ ឬជាបុគ្គលដែលមានលក្ខណៈសម្បត្តិគ្រប់ គ្រាន់ដែលមិនបានបំពេញតាមលក្ខខណ្ឌតម្រូវរយៈពេល៥ឆ្នាំ។

ខ្សែទូរសព្ទហតឡាញ Help Me Grow Washington លេខ ១-៨០០-៣២២-២៥៨៨ អាច កំណត់សម្គាល់នូវកម្មវិធីនិងសេវាកម្មសុខភាពផ្សេងៗគ្នាដែលអ្នកមានសិទ្ធិទទួល និងជួយ អ្នកដាក់ពាក្យស្នើសុំបាន។ នេះរួមមាន៖

  • WIC (កម្មវិធីអាហារូបត្ថម្ភស្ត្រី ទារក និងកុមារ)
  • ការធានារ៉ាប់រងសុខភាព សម្រាប់កុមារ ស្ត្រីមានផ្ទៃពោះ និងមនុស្សពេញវ័យ
  • ការពន្យារកំណើតតាមរយៈកម្មវិធី Take Charge Program
  • គ្លីនិកសុខភាពនិងផែនការគ្រួសារ
  • បរិក្ខាផ្គត់ផ្គត់សម្រាប់ការមានផ្ទៃពោះនិងទារក
  • ការគាំទ្រសម្រាប់ការបំបៅកូនដោយទឹកដោះ
  • ពួកគេក៏មានកម្មវិធីនិងធនធានចំណីអាហារផងដែរ។

ព័ត៌មានទាក់ទងនឹងជនអន្តោប្រវេសន៍និងជនភៀសខ្លួន

Office of Immigrant and Refugee Affairs (ការិយាល័យកិច្ចការជនអន្តោប្រវេសន៍និង ជនភៀសខ្លួន) (OIRA) ជួយជនអន្តោប្រវេសន៍ឱ្យយល់អំពីអង្គហេតុសំខាន់ៗអំពី Covid-19 និងក្តីបារម្ភរបស់ជនអន្តោប្រវេសន៍ ដូចជាបន្ទុកសាធារណៈ។ រឿងសំខាន់ៗ មួយចំនួនទៀតដែលត្រូវដឹង៖

  • មន្ទីរពេទ្យនិងគ្លីនិកទាំងឡាយមិនត្រូវបានអនុញ្ញាតឱ្យចែករំលែកស្ថានភាពសញ្ជាតិឬ អន្តោប្រវេសន៍ជាមួយ ICE ឡើយ។
  • ការធ្វើតេស្ត៍ស្វែងរកជំងឺខូវីដ-១៩ និងការទទួលបានការបរិច្ចាគឬការព្យាបាលដែល មានការបញ្ចុះតម្លៃនឹងមិនប៉ះពាល់ដល់សមត្ថភាពរបស់អ្នកក្នុងការដាក់ពាក្យស្នើសុំ បណ្ណបៃតងឬសញ្ជាតិឡើយ។
  • អ្នកចាំបាច់ត្រូវការលេខសន្តិសុខសង្គមដែលមានសុពលភាព ដើម្បីដាក់ពាក្យ ស្នើសុំតាវកាលិកនិកម្មភាពបាន។ ប្រសិនបើអ្នកចង់និយាយជាមួយនរណាម្នាក់អំពី ការស្នើសុំតាវកាលិកនិកម្មភាព សូមទូរសព្ទមកលេខ ១-៨០០-៣១៨-៦០២២។
  • ការទទួលបានតាវកាលិកនិកម្មភាពនឹងមិនគំរាមកំហែងដល់សមត្ថភាពរបស់អ្នកក្នុង ការដាក់ពាក្យស្នើសុំបណ្ណបៃតងឬសញ្ជាតិ ក្រោមវិធាន Public Charge ឡើយ។
  • អ្នកអាចមានលក្ខណៈសម្បត្តិគ្រប់គ្រាន់សម្រាប់ច្បាប់ឈប់សម្រាកសម្រាប់គ្រួសារនិងពេលមានជំងឺដោយមានប្រាក់ឈ្នួលរបស់រដ្ឋវ៉ាស៊ីនតោន ដើម្បីមើលថែអ្នកដែលឈឺ ជំងឺខូវីដ-១៩ ឬថែទាំខ្លួនអ្នក ប្រសិនបើអ្នកមានមេរោគនោះ។ អ្នកមិនចាំបាច់ត្រូវការ លេខសន្តិសុខសង្គម ដើម្បីទទួលបានអត្ថប្រយោជន៍នេះទេ។ ESD ទទួលយកឯកសារ ជាច្រើនប្រភេទផ្សេងទៀត។
  • ប្រសិនបើអ្នកជាម្ចាស់អាជីវកម្មដែលកំពុងស្វែងរកជំនួយ ការដាក់ពាក្យស្នើសុំ កម្ចីគ្រោះមហន្តរាយ Small Business Administration របស់សហព័ន្ធនឹងមិនគំរាម កំហែងដល់សមត្ថភាពរបស់អ្នកក្នុងការដាក់ពាក្យស្នើសុំបណ្ណបៃតងឬសញ្ជាតិ ក្រោមវិធាន Pubic Charge ថ្មីឡើយ។

កំណត់ចំណាំពិសេសស្តីពីបន្ទុកសាធារណៈ៖ អ្នកតស៊ូមតិជាច្រើនបានផ្តល់អនុសាសន៍ថា គ្រួសារគួរតែបន្តប្រើប្រាស់សេវាដែលពួកគេមានសិទ្ធិទទួលបាន។ ទោះជាយ៉ាងណា ស្ថានភាពអន្តោប្រវេសន៍នីមួយៗមានលក្ខណៈប្លែកពីគ្នា។ Office of Immigrant and Refugee Affairs (ការិយាល័យកិច្ចការជនអន្តោប្រវេសន៍និងជនភៀសខ្លួន) (OIRA) ផ្ដល់អនុសាសន៍ថា ប្រសិនបើអ្នកមិនច្បាស់អំពីស្ថានភាពរបស់អ្នកឬស្ថានភាពសមាជិកគ្រួសារ និង/ឬការប្រើ ប្រាស់អត្ថប្រយោជន៍ទេ អ្នកគួរតែនិយាយជាមួយមេធាវីផ្នែកអន្តោប្រវេសន៍ឬតំណាងដែលត្រូវ បានទទួលស្គាល់ដោយ Department of Justice (ក្រសួងយុត្តិធម៌) (DOJ)។ អ្នកអាចស្វែង រកមេធាវីបានតាមរយៈ American Immigration Lawyers Association (សមាគមមេធាវី អន្តោប្រវេសន៍អាមេរិក)។ ឬអ្នកអាចចូលមើលគេហទំព័ររបស់អង្គការដែលទទួលស្គាល់ ដោយ DOJ។

ORIA មានកម្មវិធីជួយជនភៀសខ្លួននិងជនអន្តោប្រវេសន៍ ជាមួយ៖

  • ការស្វែងរកការងារនិងការបណ្តុះបណ្តាល។
  • ការគាំទ្រផ្នែកអន្តោប្រវេសន៍។
  • ការបង្វឹកយុវជន។
  • គាំទ្រដល់ជនភៀសជាមនុស្សចាស់ជរា កុមារ សិស្សនិស្សិត និងអ្នកដទៃទៀត។
  • កម្មវិធីទៀងទាត់នឹងបើកពីចម្ងាយក្នុងអំឡុងពេលផ្ទុះជំងឺខូវីដ-១៩។ ការិយាល័យ មានសេវាថ្មីៗ ដើម្បីជួយអ្នកដាក់ពាក្យស្នើសុំការងារឬនិកម្មភាព គាំទ្រដល់ការ អប់រំរបស់អ្នក និងផ្តល់ជំនួយលំនៅស្ថានដល់អ្នក។ សិទ្ធិទទួលបានប្រាក់ ជំនួយជនភៀសខ្លួននិងជំនួយព្យាបាលជនភៀសខ្លួនត្រូវបានពន្យារដល់ថ្ងៃទី៣០ ខែកញ្ញា ឆ្នាំ២០២០។
  • សម្រាប់សេវានិងព័ត៌មានបន្ថែម សូមទូរសព្ទទៅលេខ៣៦០-៨៩០-០៦៩១។,

ចំពោះសំណួរអំពីសិទ្ធិជនអន្តោប្រវេសន៍ ការស្វែងរកជំនួយបន្ត សម្រាប់សាច់ញាតិ/មិត្ត ភក្តិដែលត្រូវបានឃុំខ្លួន និងព័ត៌មានទាក់ទងផ្សេងទៀត អ្នកអាចទាក់ទងខ្សែទូរសព្ទ ហតឡាញរបស់ Washington Immigrant Solidarity Network (បណ្តាញសាមគ្គីភាព ជនអន្តោប្រវេសន៍វ៉ាស៊ីនតោន) តាមលេខ ១-៨៤៤-៧២៤-៣៧៣៧។ សេវាបកប្រែ តាមទូរសព្ទនឹងមានផ្ដល់ជូន។

សុខភាពផ្លូវចិត្តនិងអារម្មណ៍

ពេលនេះអាចជាពេលវេលាដ៏តានតឹង។ វាជារឿងធម្មតាទេដែលអ្នកឬមនុស្សជាទីស្រលាញ់ របស់អ្នកអាចមានអារម្មណ៍ភ័យព្រួយ សោកសៅ ខ្លាច ឬខឹង។ អ្នកមិនឯកាទេ។ មិនថ្វីឡើយ ក្នុងការស្វែងរកនិងស្នើសុំជំនួយ។

មនុស្សគ្រប់គ្នាមានប្រតិកម្មខុសៗគ្នាចំពោះភាពតានតឹងនិងស្ថានភាពលំបាក។ អ្វីដែល សំខាន់បំផុតដែលអ្នកអាចធ្វើបានគឺថែទាំខ្លួនឯង គ្រួសារ និងសហគមន៍របស់អ្នក ឱ្យអស់ពីលទ្ធភាព។

តើអ្វីដែលជួយអ្នកឱ្យស៊ូទ្រាំក្នុងគ្រាលំបាកនេះ? តើអ្នកបានទាក់ទងនិងភ្ជាប់ទំនាក់ទំនងជា មួយមិត្តភក្តិនិងក្រុមគ្រួសារឡើងវិញឬទេ? ប្រហែលជាការដកដង្ហើមវែងៗ និងការសន្ធឹងដង ខ្លួនហាត់ប្រាណខ្លះ ឬការគេងលក់ស្រួល? ការទុកពេលវេលាសម្រាប់ការថែទាំខ្លួនឯងជា អាទិភាពអាចជួយអ្នកកាត់បន្ថយភាពតានតឹង ដែលប្រហែលជាអាចប្រើ ការបានសម្រាប់អ្នក។

ទូរសព្ទទៅ Washinton Listens តាមលេខ ១-៨៣៣-៦៨១-០២១១។ សេវាបកប្រែតាមទូរសព្ទ នឹងមានផ្ដល់ជូន។ ជាការឆ្លើយតបទៅនឹងការរីករាលដាលនៃជំងឺរាតត្បាតខូវីដ-១៩ វ៉ាស៊ីនតោនបានបើកដំណើរការកម្មវិធីគាំទ្រមួយមានឈ្មោះថា Washington Listens។ អ្នកដែលប្រើសេវា Washington Listens នឹងទទួលបានការគាំទ្រក្នុងការគ្រប់គ្រងភាព តានតឹងដែលចេះតែកើនឡើង និងទប់ទល់នឹងការផ្លាស់ប្តូរដោយសារជំងឺខូវីដ-១៩។ Washington Listens មានផ្ដល់ជូនដល់មនុស្សគ្រប់គ្នានៅវ៉ាស៊ីនតោន ដើម្បីនិយាយទៅ កាន់អ្នកឯកទេសគាំទ្រ។ អ្នកទូរសព្ទចូលនឹងទទួលបានការគាំទ្រនិងការភ្ជាប់ទៅនឹងធនធាន សហគមន៍នៅក្នុងតំបន់របស់ពួកគេ។ កម្មវិធីនេះមានលក្ខណៈជាអនាមិក។

ប្រសិនបើអ្នកកំពុងមានវិបត្តិ ហើយត្រូវការនិយាយជាមួយនរណាម្នាក់ដើម្បីទទួល បានការប្រឹក្សាយោបល់ មានជំរើសពីរបីដែរ។

  • ខ្សែទូរសព្ទ Disaster Distress Helpline នឹងផ្តល់ការប្រឹក្សាវិបត្តិបន្ទាន់ សម្រាប់ មនុស្សដែលកំពុងមានវិបត្តផ្លូវអារម្មណ៍ ទាក់ទងនឹងគ្រោះមហន្តរាយដែលបង្ក រឡើងដោយធម្មជាតិឬមនុស្ស។ សូមទូរសព្ទទៅលេខ ១-៨០០-៩៨៥-៥៩៩០។ នៅពេលពួកគេឆ្លើយតប ចូរនិយាយភាសារបស់អ្នកដើម្បីទទួលបានសេវាបកប្រែ។ ខ្សែទូរសព្ទជំនួយនេះនឹងបើក ២៤ ម៉ោងក្នុងមួយថ្ងៃជារៀងរាល់ថ្ងៃ។
  • Crisis Connections មានបណ្តាញដោះស្រាយវិបត្តិ ២៤ ម៉ោង ដែលផ្តល់ជំនួយភ្លាមៗ ដល់បុគ្គល គ្រួសារ និងមិត្តភក្តិរបស់មនុស្សដែលមានវិបត្តិផ្លូវចិត្ត។ វាបម្រើសេវា ដល់ប្រជាជនដែលរស់នៅក្នុងខោនធី King។ សេវាបកប្រែតាមទូរសព្ទនឹងមាន ផ្ដល់ជូន។ ទូរសព្ទទៅលេខ ១-៨៦៦-៤២៧-៤៧៤៧។
  • ខ្សែទូរសព្ទ National Suicide Prevention Lifeline ផ្តល់នូវធនធានទាក់ទងនឹងការ បង្ការនិងវិបត្តិ សម្រាប់មនុស្សដែលគិតអំពីការធ្វើអត្តឃាត។ មនុស្សជាទីស្រឡាញ់ក៏ អាចទូរសព្ទទៅខ្សែទូរសព្ទនេះ ដើម្បីទទួលបានធនធានដើម្បីជួយគ្រួសារនិងមិត្តភក្តិ របស់ពួកគេបានផងដែរ។ ទូរសព្ទទៅលេខ ១-៨០០-២៧៣-៨២៥៥។ ខ្សែទូរសព្ទ ពិសេសនេះនឹងបើក ២៤ ម៉ោងក្នុងមួយថ្ងៃ ៧ ថ្ងៃក្នុងមួយសប្តាហ៍។ មានខ្សែទូរសព្ទ ពិសេសមួយសម្រាប់អតីតយុទ្ធជន។ ទូរសព្ទទៅលេខ ១-៨០០-២៧៣-៨២៥៥ ហើយបន្ទាប់មកចុចលេខ ១។ ប្រសិនបើអ្នកថ្លង់និងពិបាកស្តាប់ សូមទូរសព្ទទៅលេខ ១-៨០០-៧៩៩-៤៨៨៩។

ធនធានទាក់ទងនឹងចំណីអាហារ

ប្រសិនបើអ្នកមានកូនអាយុ ១៨ ឆ្នាំឬក្មេងជាងនេះ ពួកគេអាចទទួលបានចំណីអាហារដោយ ឥតគិតថ្លៃពីសាលារៀន។ មនុស្សពេញវ័យដែលពិការដែលបានចុះឈ្មោះក្នុងកម្មវិធីអប់រំ ក៏អាចមានលក្ខណៈសម្បត្តិគ្រប់គ្រាន់ដើម្បីទទួលបានអាហារនៅសាលាផងដែរ។ ក្នុងករណី ជាច្រើន អាហារទាំងនេះនឹងត្រូវបានចែកចាយឬទម្លាក់នៅទីតាំងក្រៅសាលា ដូចជាចំណត ឡានក្រុង។ ទាក់ទងសាលារៀនស្រុករបស់អ្នក ដើម្បីរកមើលថាតើពួកគេផ្តល់ជូនអាហារ ដោយឥតគិតថ្លៃឬអត់។

សម្រាប់អ្នកមានផ្ទៃពោះ ម្តាយថ្មោងថ្មី និងកុមារអាយុដែលក្រោម៥ឆ្នាំ អ្នកអាចទទួលបាន អាហារ តាមរយៈកម្មវិធីស្ត្រី ទារក និងកុមារ (WIC) របស់ Department of Health (ក្រសួង សុខាភិបាល)។ សម្រាប់ជំនួយផ្នែកភាសា សូមទូរសព្ទទៅលេខ ១-៨៦៦-៦៣២-៩៩៩២។

ធនាគារស្បៀងអាហារអាចផ្លាស់ប្តូរម៉ោងរបស់ពួកគេឬអាចត្រូវបានបិទសម្រាប់ការធ្វើចរាចរណ៍ដោយដើរចូល ដោយសារតែតម្រូវការអាហារកើនឡើងក្នុងអំឡុងពេលផ្ទុះជំងឺខូវីដ-១៩។ សូមទូរសព្ទមុនពេលទៅ។ Northwest Harvest គឺជាបណ្តាញធនាគារស្បៀងអាហារទូទាំងរដ្ឋ មួយ។ វាយបញ្ចូលឈ្មោះទីក្រុងរបស់អ្នកទៅក្នុងប្រអប់ខាងឆ្វេងប្រអប់បៃតងនៅលើ វេបសាយនេះ។

ប្រសិនបើអ្នករស់នៅភាគខាងកើតវ៉ាស៊ីនតោន អ្នកអាចរកឃើញបញ្ជីធនាគារស្បៀង អាហារនៅ Second Harvest។ ជ្រើសរើសខោនធីរបស់អ្នកនៅលើវេបសាយនេះ សម្រាប់បញ្ជីធនាគារស្បៀងអាហារនៅក្នុងតំបន់របស់អ្នក។

ព័ត៌មាននិងធនធានសម្រាប់គ្រួសារ

នេះគឺជាពេលវេលាដ៏តានតឹងសម្រាប់គ្រួសារទាំងមូល។ នេះគឺជាគន្លឹះខ្លះៗអំពីវិធីដោះ ស្រាយស្ថានការណ៍នេះជាមួយកូនៗរបស់អ្នក៖

រៀបចំការពិភាក្សាក្នុងគ្រួសារនៅកន្លែងដែលមានផាសុកភាព និងលើកទឹកចិត្តសមាជិក គ្រួសារឱ្យសួរសំណួរ។ ពិចារណាឱ្យមានការពិភាក្សាដាច់ដោយឡែកជាមួយកុមារតូចៗ ដើម្បីប្រើភាសាដែលពួកគេអាចយល់ និងដើម្បីដោះស្រាយការភ័យខ្លាចជាក់លាក់ឬ ការយល់ខុសរបស់ពួកគេ។

រក្សាទំនាក់ទំនងជាមួយក្រុមគ្រួសារនិងមិត្តភក្តិតាមទូរសព្ទឬសេវាអនឡាញនានា។

ទោះបីជាអ្នកចាំបាច់ត្រូវការព័ត៌មានក៏ដោយ ចូរកាត់បន្ថយការពាក់ព័ន្ធជាមួយកន្លែង ផ្សព្វផ្សាយឬប្រព័ន្ធផ្សព្វផ្សាយសង្គមដែលអាចជំរុញឱ្យមានការភ័យខ្លាចឬភាពស្លន់ស្លោ។ ត្រូវយល់ដឹងជាពិសេស (និងកម្រិត) លើចំនួនពេលវេលាលើការផ្សព្វផ្សាយឬប្រព័ន្ធ ផ្សព្វផ្សាយដែលកូនៗរបស់អ្នកបានប្រើពាក់ព័ន្ធនឹងរោគរាតត្បាតនេះ។

ផ្តោតលើការគាំទ្រដល់កុមារដោយលើកទឹកចិត្តឱ្យមានសំណួរ និងជួយពួកគេឱ្យយល់ ពីស្ថានភាពបច្ចុប្បន្ន។

  • និយាយអំពីអារម្មណ៍របស់ពួកគេ ហើយបញ្ជាក់ដល់ពួកគេ។
  • ជួយពួកគេបង្ហាញពីអារម្មណ៍របស់ពួកគេ តាមរយៈការគូររូបឬសកម្មភាពផ្សេងទៀត។
  • បញ្ជាក់ឱ្យច្បាស់អំពីព័ត៌មានមិនត្រឹមត្រូវឬការយល់ច្រឡំអំពីវិធីដែលវីរុសរាលដាល ហើយថាមិនមែនរាល់ជំងឺផ្លូវដង្ហើមគឺជាវីរុសកូរ៉ូណាប្រភេទថ្មីនេដែលអាចបង្កឱ្យមាន ជំងឺខូវីដ-១៩ទេ។
  • ផ្តល់ការលួងលោមនិងការអត់ធ្មត់បន្ថែមបន្តិច។
  • សូមពិនិត្យមើលកូនរបស់អ្នកឱ្យបានទៀងទាត់ ឬនៅពេលដែលស្ថានភាពប្រែប្រួល។
  • រក្សាកាលវិភាគគ្រួសាររបស់អ្នកអោយបានសមស្រប នៅពេលទាក់ទងនឹងម៉ោងចូលគេង អាហារ និងលំហាត់។
  • ទុកពេលឱ្យធ្វើអ្វីៗនៅផ្ទះដែលធ្វើឱ្យអ្នកនិងគ្រួសារអ្នកមានអារម្មណ៍ធូរស្រាលក្នុង ស្ថានភាពតានតឹងផ្សេងៗ ដូចជា ការអាន ការមើលភាពយន្ត ការស្តាប់ចំរៀង ការលេងហ្គេម ការហាត់ប្រាណ ឬការចូលរួមសកម្មភាពសាសនា (ការអធិស្ឋាន ចូលរួមក្នុងសេវាអ៊ីនធឺណិត)។
  • ទទួលស្គាល់ថាអារម្មណ៍ ដូចជាភាពឯកា ភាពធុញទ្រាន់ ការភ័យខ្លាចឆ្លងជំងឺ ការភ័យបារម្ភ ភាពតានតឹង និងភាពស្លន់ស្លោ គឺជាប្រតិកម្មធម្មតាចំពោះស្ថានភាពតានតឹងដូចជាជំងឺរាតត្បាត។
  • ជួយក្រុមគ្រួសាររបស់អ្នកចូលរួមក្នុងសកម្មភាពសប្បាយរីករាយនិងមានអត្ថន័យ ប្រកបដោយភាពស៊ីសង្វាក់គ្នាជាមួយតម្លៃគ្រួសារនិងវប្បធម៌របស់អ្នក។

មនុស្សពេញវ័យដែលមានអាយុលើសពី ៦០ ឆ្នាំមានហានិភ័យខ្ពស់ក្នុងការឆ្លងជំងឺខូវីដ-១៩ កម្រិតធ្ងន់ធ្ងរ។ ប្រសិនបើអ្នកមានសមាជិកចាស់ៗនៅក្នុងគ្រួសាររបស់អ្នករស់នៅជាមួយអ្នក ចូររកវិធីដើម្បីកាត់បន្ថយហានិភ័យ។

  • ឱ្យគ្រួសារដែលមានហានិភ័យទាបដើរទិញឥវ៉ាន់និងធញវើសកម្មភាពចាំបាច់ផ្សេងៗទៀត។
  • ធ្វើឱ្យប្រាកដថាមនុស្សគ្រប់គ្នាលាងដៃឱ្យបានឆាប់នៅពេលពួកគេមកដល់ផ្ទះ។ សម្អាតកន្លែង ផ្ទៃ និងបន្ទប់នានាដែលប្រើរួមគ្នាឱ្យបានញឹកញាប់។
  • ប្រសិនបើមនុស្សម្នាក់នៅក្នុងគ្រួសាររបស់អ្នកបានប៉ះពាល់ឬមានរោគសញ្ញា សូមផ្ដាច់ខ្លួនពួកគេឱ្យអស់ពីលទ្ធភាពតាមដែលអ្នកអាចធ្វើបាន។ វាជាការល្អបំផុត ប្រសិនបើពួកគេអាចមានបន្ទប់គេងនិងបន្ទប់ទឹកផ្ទាល់ខ្លួន។ សម្អាតកន្លែងដែលប្រើ រួមគ្នាឱ្យបានញឹកញាប់ និងធ្វើឱ្យប្រាកដថាមនុស្សគ្រប់គ្នាក្នុងគ្រួសារពាក់អ្វីបិទបាំងមុខ ក្នុងអំឡុងពេលដែលអ្នកណាម្នាក់ឈឺឬអាចឆ្លងជំងឺ។

ធនធាននិងព័ត៌មានបន្ថែម