COVID-19 (coronavirus kaal) Melele, jiban, jerbal in kein jiban ilo Washington State

COVID-19 Hotline eo: Jibañ rijerbal ro, mon jerbal ko, im jikin wã ko im melele ko jet

Ñe ewor am kajitok ikijen COVID-19 ak kwoj aikuij jibañ kaman appointment kin wã ko, jouj im call e 1‑800-525-0127 im jibed #. Ñe renij uak kwe, kwon ba kajin eo am bwe kwon dreloñ ñan jibañ ko ikijen ukok. Hotline in ej bellok aolep raan im awa rej list ilo website eo an Department of Health (Kajin Pãlle wõt). 

Report e juon joreen ilo Mon Jerbal

Businesses ko rej require bwe en wõr jibañ ko ikijen wawein kejbarok ejmour im bõbrae jān jorāān ko ñan rijerbal ro im customer ro aer. Ñe kwokanan report e juon jorāān, jouj call e COVID-19 hotline numba eo tuloñ ñan jibañ ikijen kajin eo am. Armej eo enij elewaj kajitok kin jorāān eo im lelak complaint eo ilo etam. Kwoban require in ajeej e etam ak melele ko ikijen kwe ñan am lelak complaint eo am.

Kwomaroñ bar file e complain in am ilo kajin Pālle ilo Report e COVID-19 Jorāān page eo.

Jouj kememej bwe ilo am letok etam im melele ikijen kwe make, jet armej remaroñ lale ñe renij kaman aer request ñan public record ko bwe ren loe melele ko. Record ko rebed ilo the governor’s Privacy Kojellā ro an governor eo (kajin pãlle wot) enij bellok ekar iumwin state eo Public Records Act, RCW 42.56.

Jibañ ko jet ñan rijerbal ro, mon jerbal im doulul ko

Ilo am kõjerbale jerbal ko an ukok, hotline eo enij boklak kwe nan kein jibañ im kein jerbal ko. Remaroñ bar jibañ kwe kanne koban COVID-19 Mon Jerbal im Rijerbal form ko ñe enij wor am kajitok. Renij kajitoke melele ko ikijen kwe im wawein tebed kwe bwe ren maroñ in elewaj am uak.

Melele ko rekaal an tōrre in

Ñan melele ko relablok kin COVID-19, ekoba melele in wā, lale:

Ewōr juon mo an jidik ien ej kabōjrak an kun jibañ ko ilo imōn jokwe im wonnen rumij in kolla ko mae Jebtomba 30, 2021, ñan aoleb jarom ko, talebon ko ilo bwidej, im aebōj. Emōj rōjañ bwe armij ro rej jokwe ren kaju kūrlok kombani in jarom ko aer ñan kajitōk jibañ kollaiki muri ko aer. Ñan melele ko relablok, ro rej wia jarom kein im rej kabōk jibañ ilo kajin ko aer remaron kebaak Lain in Jibañ ikijen jibañ ko ikijen riukok jen ibben Kamijen eo an Jarom & Ial ilo Wa ñan Jibañ Armij ro rej Kōjerbale: 1‑888‑333-9882 ak consumer@utc.wa.gov.

Kwōj ke aikuj jibañ kollaiki wonnen jarom ko am? Elañe kwōjañin maron kollaiki wonnen muri in kajur, kiaj, ak dān ko am ilo ien jorrāān eo ikijen COVID-19 im ear jelōte aoleben lal in, ewōr jibañ.

An Bar Bellok Washington

Emōj an Governor Jay Inslee kūr bwe armij ro rej jokwe Washington rren bōk joñan kejbarok ko ñan kabōjrak an ajeeded COVID-19.

Jekdoñ jekjekin an armij wā ak jab, kwōj aikuj wōt bōk būnten ko ñan kejbarok kwe make im ro jet ilo ien am bed ilo jikin ko ilobelej. Mennin ekoba ekōnak kein kalbubu iturin māj, bed jab diklok jen jiljino ne ettolok jen ro jet, im jab bed ilo jikin ko eloñ armij im enana an mejatoto erreo diwōj deloñ. Im bareinwōt, kwōj aikuj wōt jab bed ilo joñan kakobaba in armij ko ebwe ak lab joñaer im woñmaanlok in lale kakōlkōl ko an COVID-19, elabtata ñe emōj am bed iturin juon eo enañinmij. Ñe ewōr kakōlkōl ko an COVID-19 ibbam, kwōn teej.

Lale j webpage eo kin jekjek eo an county (ilo Kajin Belle wōt) ñan melele ko relablok kin ien bar kōbellok county eo am ilo tōrre in.

Makūtkūt ko ekkā im emōj kōmelim ilo ien in rej laajrak:

  • Makūtkūt ko raurōk einwōt kaikwijkwij, ettein kiaj, ebōk wūno, ak etal ñan ien taktō.
  • Etal ñan jerbal ej juon aurōk ikijen bijnej ak an juon bijnej melim in bar bellok iomwin bebe eo an governor eo.
  • Etal im ektak takeout jen juon restaurant ebaake kwe. Restaurants ko rebellok ñan jet jikin mōñā diner ko ilo jikin eo im rebed ilo ien 2 im 3.
  • Etal in etetal im kōmmani ikkure ko inaboj, toon wōt am maron kejbarok am bed ettolok kin ruo meter (jiljino ne). Bōk kwōnaam ilo makūtkūt in kamōnōnō ko ilo jikin ko iturin mweo imōm ñan am jab maron kajeeded COVID-19 ñan jikin ko jet inabojin jukjukinbed eo am.
  • Kōjerbal paak ko an state, bwidej ko an kien ñan eñwōd, hunt, ak makūtkūt in kamōnōnō ko jet ilo raan. Emelim kaam ilo paak ko an state ilo county ko rebed ilo ien 2 im 3.
Kein Kōjellā eo an WA ikijen kebaak nañinmij ilo app in smartphone
Image
WĀWEEN AN JERBAL WA NOTIFY?

WA Notify (Kein Kojella eo an WA) (einwot ad bar jela ej Washington Expoure Notifications, Kein Kojella eo an Washington kin Won eo ear Kebaak Naninmij)) ej juon kein jerbal ekāāl ej jerbal ilo smartphone ko bwe en kōjeḷlāik armij eḷañe raar kebaake juon rinañinmij ewōr COVID-19 ibben, im ejab kwaḷọk jabdewot melele ko an armij make.  Ej juon men eo ejab kwalok jabdewot melele ko an armij im ejab jeḷā wōn kwe ak ia eo kwoj etal nane.

Ewi wāween bwe in likūt WA Notify ilo talebon eo ao?

Ilo talebon, kwōn komelim ilo Settings: Exposure Notifications

  • Etal ñan Settings
  • Wanlaḷḷọk ñan Kojella ko kin Exposure Notifications
  • Jipede “Kajeo Exposure Notifications”
  • Kelet United States
  • Kelet Washington

Ilo talebon Android:

Ilo Android ak iPhone, scane ae kakolle in QR:

WA Notify QR code

Ewi wāween an jerbal?

Ñe kwōj on WA Notify, phone eo nejōṃ enaaj leto-letak jet nōṃba ko rettino ippān armij repaake eok eṃōj aer bar komelim an jerbal WA Notify. App eo ej kajerbal Bluetooth Low Energy (BLE, Ej Bluetooth ak e dik an kañ jarom) ñan leto-letak nōṃba rej jabdetakwōt im re ban kwaḷọk meḷeḷe kōn kwe. Eḷañe bar juon armij ej kojerbal WA Notify ear epaak ñan eok ilo wiik ko ruo rej kab jeṃḷọk, im teej eo an armij ej  kwalok ewor COVID-19 im ej loor bunten ko nan an kojellaik ro jet ilo an jab walok won ae,  kwonaj loe juon kojella ejab walok won armij eo im ej kojella ke kwomaron kar kebaak naninmij eo. Ilo wāween in emaroñ ṃōkaj aṃ kapok jipañ im kwōban leḷọk COVID-19 ñan armij ro ituriṃ.

Juon kein bonobon eo kommane bonobon eo im kalikar makutkut ko remaron kar komman an ajeeded COVID-19 jen armij ro rar bed ilo jonan ettolok eo ewor kejbarok ak ebwe an kadu ien aer kar kebaak naninmij eo im rejab aikuj bok kojella eo. WA Notify enaj wot kojellaik kwe ne kwomaron kar kebaak naninmij eo. Innem am jab loe kojella eo ej kojella eo emmon.

WA Notify ewor kin elablok jen 30 kajin ko innem elon armij ro rej jokwe Washington remaron mokaj aer loe kein jerbal in.

Ewi wāween aer kejbarok im kojerbal meḷeḷe ko aō?

WA Notify ej kojerbal kein jerbal kapeel in Kojella eo an Google Apple, im ear kōṃṃan ñan kōjparok meḷeḷe ko an armij. Ej jerbal itulok ilo an jab aen ak kwalok jabdewot jikin ak melele ko an armij make, im ejab aikuj jela won kwe ak ia eo kwoj bed ie bwe en jejjet an jerbal. Ilo an kojerbal jidik Bluetooth, ejab kakkure battore eo am.

Aṃ make pepe eḷañe kwōj bōk kwonaaṃ ilo men in. Ro rej kojerbal remaron kelet in delon ak diwoj jabdewōt ien. Ñan meḷeḷe ko reḷapḷọk kōn wāween aer jab kaajeeded meḷeḷe ko aṃ jouj im lale WA _Exposure Notifications kakien eo kin waween aer kojerbal melele ko am.

Endeit text im kojella ko?

Ewōr ruo kain kōjella ko kwōmaron loi. Ro teej ko aer renaj kamool ewōr nañinmij eo ibbeir renaj loe juon link ilo text majej ñan kamool im/ak juon kōjella ej walok. Ro rej kojerbalWA Notify im remaron kar kebaak nañinmij eo renaj loe juon kōjella kin aer kar kebaak nañinmij eo. Bok melele ko relablok kin kojella kein im lale ewi waween am naj loi.  

Ewi wāween an jipañ?

Juon katak jen University of Washington (ajin Pālle wōt) eṃōj kar loe ke elok lonlok armij ro rej kojerbal kein kōjeḷlā eo kin won eo ear kebaak naninmij eo, elablok jiban eo. Jemlok ko rar kwalok ke WA Notify ej kejbarok tarrin 40-115 mour ko im emaron kar bobrae tarrin 5,500 keij in COVID-19 ko ilo allon ko emen jinointata in an kar jerbal. Melele ko ilo laajrak ko rar kwalok ke jekdon edik jonan armij ro rej kojerbal WA Notify enaj kadiklok nañinmij iin COVID-19 ko im armij ro rej mij, im ej kamool ke WA Notify ej juon kein jerbal eo elab an emmon nan bobrae an ajeeded COVID-19.

Kajitok ko rekut

Kwar ke loe juon text im/ak kojella jenWashington State Department of Health (Ra in Ejmour eo an State eo an Washington, DOH)?. Bwe?

DOH ej jilkinlok juon text majej im/ak kōjella ej walok ñan nōmba in talebon ko an armij ro teej ko aer rar kwalok ewōr COVID-19 ibbeir bwe ro rej kojerbal WA Notify en mokaj im jab walok won er ilo aer kojellaik ro jet remaron kar kebaak naninmij eo. Bok melele ko relablok kin kojella kein im lale ewi waween am naj loi.

Ne kwe juon eo ej kojerbal WA Notify, , kwōj aikuj wōt jibed kōjella eo ak jibed link eo ilo text majej eo im loor buñten ko ilo WA Notify ko ilo ñan am lelok kōjellā ilo an jab walok woñ kwe ñan armij ro jet remaron kar kebaak nañinmij eo.

Ij ke aikuji WA Notifyelane emoj aer wa?

Aet. Jekdon alikin an lukkun dedelok am wa nan bobrae jen COVID-19, kwoj aikuj wot kommane kultien kejbarok ko rekka kin jorraan eo  elab im ear jelote aoleben lal in. Wa ko rej waween eo ejejjet an jerbal nan kejbarok kwe make, botab ej wor wot uwota eo edik kwomaron naj bok naninmij eo ak lelok naninmij eo nan ro jet rejanin wa.

Iar loe juon kojella bwe in lelok melele ko ao ilo WA Notifynan public health. Bwe?

Washington State Department of Health (DOH) ekonaan bwe kwon jela jonan emmon in an jerbal WA Notify bwe jen maron komman jabdewot kokmanmanlok ko nan kein jerbal eo. Eļañe kwōj errā in kwalok melele ko am jen WA Notify, kejbarok in meļeļe ko am renaj wot lukkun kejbarok. Ejeļlọk meļeļe ko am make renaj aen ak kwalok im ejellok waween kalikar ej am melele ko. DOH wot emaron loe melele in im jonan eo wot ilo state emaron bar loe.

Eļañe ro rej kojerbale WA Notify rej errā in kwalok melele ko aer, ta ko renaj bōki?

Ne kwōnaj errā in kwalok melele ko am, enaj kejbarok waween aer kojerbal melele ko am. Ejellok melele ko am make renaj aen ak kwalok, innem ejellok waween aer maron kalikar kwe. Washington State Department of Health wot emaron loe melele in jen jonan eo an state, im emaron koba:

  • Jonan armij ro rej erra in kwalok melele ko aer ilo WA Notify. Mennin ej jiban kim jela waween an walok kein jerbal in lale eo amim.
  • Jonan Exposure Notifications emoj loe jen ro rej kojerbal WA Notify. Men in ej jibañ amim lale ṃakutkut ko ilo an ajeeded in COVID-19.
  • Jonan armij ro im rej jibede kojella kin kebaak naninmij eo. Men in ej jipañ amim pikot jonan an armij monono in bok rojan ko jen public health.

Joan armij ro rar kebaak juon eo emoj an teej kwalok ewor COVID-19 ibben, botab ear jab lukkun kebaake ak ejab kar aitok ien an bed iturin nan an loe juon kojella ke ear kebaak naninmij eo. Mennin ej jiban amim watoke elane kein bonobon eo ej loe ke juon ear kebaak naninmij eo ilo WA Notify aikuj komman oktak.

Ñe ij kōmaroñ e WA Notify ilo IPhone eo ao, Ij ke aikuj bwe ijo ej ba “Availability Alerts (Ewor kojella ko)” en jo ke kun?

Emmon ne ekun. Jekdon emoj rojan bwe kwon kajoe ilo ien am ito tak inabojin state eo an Washington nan juon ien ebwe an aitok. Ien eo ejo Ewor Kojella, kwomaroñ naj loe kōjjeļā ko ilo ien am ito tak nan jikin eo ewor an bar kein jerbal kabeel in kojella kin kebaak naninmij im ejab WA Notify. ro rej kōjerbal iPhone remaroñ kadeļọñ eloñ jikin ko ak naaj maroñ wōt kōjerbale juōn jikin iuṃin juōn tōre. Kwejjab aikuj in joļọk juōn jikin ñan kajerbale bar juōn eo ekāāļ. Ro rej kojerbal Android remaron likut app in kojella kin kebaak naninmij einwot WA Notify jen elon state ko botab juon app wot im ej kojerbal kein jerbal kapeel ko einwot WA Notify emoj kalikar an jerbal ilo ien eo.

Ij aikuj kadelon etta bwe in kojerbal WA Notify?

Aet. Ejjeḷọk oṇean WA Notify, im aṃ wōt pepe ñan kajerbale. Jabdewōt ien kwōmaroñ joḷọk etam. Men eo wōt ñan joḷọk e, kwōn off e ak jolok app eo. Aoleb kakolle ko rejabdetak emoj an talebon eo kakwone jen armij ro iturim im rej kojerbale renaj ejeer im kwoban maron bar loi.

WA Notifyej kejuon app eo ej anoke armij ro rar kebaak naninmij eo?

WA Notify e jab bōk meḷeḷe ko kōn armej ro me kwar epaak ñan er, im kōn men in e jab “contact tracing.” Kebaak won ro rar kebaak naninmij eo ej kalikar jabdewot armij eo emoj an teej kwalok ewor an COVID-19 im emaron walok. App eo e jab bōk ak leḷọk meḷeḷe ko kōn kwe, im kōn men in ejjeḷọk armej e maroñ jeḷā wōn ro kwar epaak ñan e.

Ta meḷeḷein "epaake juon eo ewor nañinmij ibben"?

Men in meḷeḷein kwar pād iturin juon armej me ej bar kajerbal WA Notify, im tokālik teej eo an armij eo ej kwalok ewor COVID-19 ibben. Men in ej ḷoor melele in kajinet eo an torre in jen CDC (Center for Disease Control, Obij eo ej bōk eddon kejbarok im bobrae jen nañinmij) (ajin Pālle wōt) kin jonan kattolok doon im an ajeeded COVID-19. Nan lale ne juon ear kebaak naninmij eo, Wa Notify ej kojerbal juon kein bonobon ej einwot melele eo an CDC kin juon armij ear lukkun kebaak naninmij eo im bed diklok jen 6 ne (2 meter) nan 15 minit ak lablok ilo ien eo rar kabobo - im emaron oktak jen ibben ritel ro an public health.

Ta eo ej waḷọk ñe WA Notify ej kōjeḷāik eō bwe iar bōlen iturin juon eo e nañinmij?

Eḷañe WA Nofity ej lo bwe bōlen kwar epaak ñan juon ri nañinmej, enaaj wor juon kōjeḷā ilo phone eo nejōṃ me ej kwaḷọk juon website ijo ewor meḷeḷe ie, im enaaj ba ta eo kwōn kōṃṃane. Enaaj ba ia eo im wāween aṃ maroñ teej, enaaj lewōj meḷeḷe kōn wāween kwe im ro repaake eok koṃij maroñ safe wōt, im enaaj kwaḷọk ia eo im kwō maroñ bōk uwaak ñan kajjitōk ko aṃ. E aorōk bwe en eṃṃan aṃ read im ḷoor meḷeḷe ko ilo website eo.

Armij renaj ke jeḷā eḷañe teej eo ao enaj kalikar ewor COVID-19 ibba?

Jab. WA Notify ejab kwaḷọk meḷeḷe kōn kwe ñan jabdewōt armej. Ñe juon armij ej bōk juon kōjeḷlā bwe bōlen ear epaak ñan juon ri nañinmej, enaaj jeḷā wōt bwe iuṃwin 14 raan ko remootḷọk ear iturin juon armij ear teej eo an ej kwalok ewor COVID-19. Reban jeḷā wōn armij eo ak ia eo ear pād ie ke ear epaak ñan juon ri nañinmij.

Ij ke aikuj kolla wonnen WA Notify?

Jab. Ejjeḷọk wonnen WA Notify.

Ewi wāween an WA Notify jipañ Washington State?

Juon katak jen University of Washington (ajin Pālle wōt) eṃōj kar loe ke elok lonlok armij ro rej kojerbal kein kōjeḷlā eo kin aer kebaak naninmij, elablok jiban eo. Jemlok ko rar kwalok ke WA Notify ej kejbarok tarrin 40-115 mour ko im emaron kar bobrae tarrin 5,500 keij in COVID-19 ko ilo allon ko emen jinointata in an kar jerbal. Melele ko ilo laajrak ko rar kwalok ke jekdon edik jonan armij ro rej kojerbal WA Notify enaj kadiklok nañinmij iin COVID-19 ko im armij ro rej mij, im ej kamool ke WA Notify ej juon kein jerbal eo elab an emmon nan bobrae an ajeeded COVID-19.

Ej ke jerbal WA Notify eḷañe ij jambo ñan jikin ko inabojin state eo?

Aet. Eḷañe kwōnaj ito tak ñan bar juon state ej kojerbal juon kein jerbal kapeel app an Apple/Google, talebon eo am enaj wonṃaanḷọk an leto-letak nōṃba ko rejabdetakwōt ippān ro jet ilo state eo im rej kojerbal app rot ko. Kwōban aikuj ukōt jabdewōt men ilo setting ko an app eo aṃ. Eḷañe kwonaj emakut jen Washington, kwōn etale ta ko ilo state eo am ekāāl bwe kwon maron bok jipañ im kōjeḷā ko ilo jukjukinbed eo.

Etke jej aikuj jimor kein anoke won ro rar kebaak naninmij im WA Notify?

Ioṃwin elōñ yiō, eḷab an jejjet an jerbal kein anoke eo an public health nan lale won ro rej kebaak naninmij. WA Notify ej jiban madmod in ilo an jab walok won armij. Eñin ej juon waanjoñak: Eḷañe teej eo am enaj kwalok ewor COVID-19 ibbam, ritel ro an public health remaron kall im kajitok ibbam bwe kwon kwalok won armij ro rar kebaak ilo raan ko rej kab jemlok. Kwōjab maroñ kwaḷọk etan juon armij eo kwojaje kajeen im kwar jijjet iturin ilo juon baj. Eḷañe komiro armij in ej jiṃor kojerbal WA Notify, earmij eo kwojaje kajeen enaj loe kojella eo ilo an ejellok melele jen won ke emaron kar kebaak naninmij eo im bok kultien kejbarok ko nan bobrae an jab ajeeded COVID-19 nan ro mottan im baamle ko an. Einwot kwalkwol ba im ekonak kein kalbubu iturin maj kajojo jiban kein rej kabojak an ajeeded COVID-19, ibben doon enaj lablok an jejjet aer jerbal.

Ewi toon an WA Notify kōjeḷāik ro rej jet rej kojerbale?

Ro rej kojerbale im remaron kar kebaak COVID-19 jen ibben bar juon amij eo ej kojerbal enaj loe juon kojella iloan 24 awa alikin an wor kamool ewor COVID im loor bunten ko ilo WA Notify nan bar kojellaik ilo an jab walok melele ko an armij nan ro jet rej kojerbal WA Notify.

Emaroñ ke lōñ jen juon kōjeḷlā jen WA Notify?

Ro rej kojerbale im remaron kar kebaak COVID-19 jen ibben bar juon amij eo ej kojerbal enaj loe juon kojella iloan 24 awa alikin an wor kamool ewor COVID im loor bunten ko ilo WA Notify nan bar kojellaik ilo an jab walok melele ko an armij nan ro jet rej kojerbal WA Notify.

Ewi wāween aō ba ñan WA Notify eḷa ñe teej eo ao enaj kwalok ewōr COVID?

Eḷaññe kwōj teej positive im armej jān public health rej kall ae eok, renaj kajitōk ippaṃ eḷañe kwōj kojerbal WA Notify. Eḷañe aet, renaj jilkinwaj juon link in kamool im/ak kōjella im jiban am loor bunten ko nan kadelone ilo WA Notify. Link ak kojella ko rejab koba nan melele ko am make. Public Health eban jela won ro renaj loe kojella eo ilo app kin aer kar kebaak naninmij ilo ien am loor bunten ko. Kōjeḷlā eo eban kwaḷọk jabdewōt meḷeḷe kin kwe. Ñe elōñ armij rej kwaḷọk kaṃool jemlok ko aer ilo WA Notify, enaj emmonlok an kejbarok an jab ajeeded COVID-19.

Ne juon am baamle ak juon armij uwaan mweo imom ej kojerbal WA Notify, im teej eo an ej kwalok ewor naninmij, im ej wot aikuj kamool jemlokin teej eo an ilo WA Notify, remaron kall ae lok lain in kall eo an COVID-19 ilo 1-800-525-0127, innem jibed # im loor komelele ko nan WA Notify.

Ewor ke jabdewōt men ij aikuj kōṃṃane ālikin aō likūt WA Notify ilo phone eo nejū?

Kwōj aikuj kōṃṃan juon men eo elablok eḷañe:

  1. Teej eo am enaj kamool ewor COVID-19 ibbam, ak
  2. Rej lewōj juon kōjeḷlā ke kwar kepaak ñan juon rinañinmij.

Eḷaññe kwōj teej positive, im armej jān public health ej kōnono ippaṃ, renaaj kajjitōk ippaṃ eḷaññe kwōj kajerbal WA Notify. Eḷañe aet, renaj jilkinwaj juon link in kamool im/ak kōjella im jiban am loor bunten ko nan kadelone ilo WA Notify. Link ak kojella ko rejab koba nan melele ko am make. Public Health eban jela won ro renaj loe kojella eo ilo app kin aer kar kebaak naninmij ilo ien am loor bunten ko. Kōjeḷlā eo eban kwaḷọk jabdewōt meḷeḷe kin kwe. Ñe elōñ armij rej kwaḷọk kaṃool jemlok ko aer ilo WA Notify, enaj emmonlok an kejbarok an jab ajeeded COVID-19.

Eḷañe WA Notify ej ba ñan eok bwe kwar epaak ñan juon ri nañinmej, enaj wor juon kōjeḷlā ilo talebon eo nejōṃ me ej kwaḷọk juon website ijo ewor meḷeḷe ie, im enaaj ba ta eo kwōn kōṃṃane. Enaaj ba ia eo im wāween aṃ maroñ teej, enaaj lewōj meḷeḷe kōn wāween kwe im ro repaake eok koṃij maroñ safe wōt, im enaaj kwaḷọk ia eo im kwō maroñ bōk uwaak ñan kajjitōk ko aṃ. E aorōk bwe en eṃṃan aṃ read im ḷoor meḷeḷe ko ilo website eo. Ilo kōjeḷlā eo e ban wor meḷeḷe kōn wōn eo ear nañinmij iturōṃ ak ia eo kwar pād ie. E jab kwaḷọk etan armej.

Eḷañe ij kojerbal WA Notify, enaj ḷap an kañ battery ak data ko?

Jab. Raar kōṃṃane bwe jidik wōt an kajerbal battery eo im data kōnke ej kojerbal kein jerbal kapeel in Bluetooth edik an kojerbal kajur.

Ij aikuj kajo Bluetooth bwe WA Notify en jerbal?

Aet. WA Notify ej kojerbal Bluetooth eo edik an kojerbal kajur, innem Bluettoh ej aikuj jerbal aoleb ien nan an bok melele jen ro jet iturim.

Ej ke aikuj peḷḷọk WA Notify ilo talebon eo nejū bwe en jerbal?

Jab. WA Notify enaj jerbal ilo itulik wot.

Ewi wāween an WA Notify kejbarok an jab walok teej ko rebōd im rej kwalok ewor naninmij?

WA Notify ej aikuj an armij kamool teej ko rej kwalok ewor naninmij ilo an jab walok won er ilo an kojerbal juon link ak kojella in kamool im ej itok jen ibben ritel ro an public health. Link ak kojella eo ejab kobalok nan melele ko an juon armij. Alikin am jibed ak jibwe link ak kojella in kamool eo, WA Notify emaron wot lale kakolle ko rejabdetak ibben ro jet rej kojerbale iturim im kojellaik er ke remaron kar kebaak naninmij eo. Kojella eo ejab koba jabdewot melele kin won ro rar kebaak ak ia eo rar kebaak naninmij eo.

WA Notify ej ke jerbal ilo smartphone ko reṃor?

ro rej kojerbal iPhone remaroñ kojerbale WA Notify ñe kein komadmod eo aṃ ej:

  • iOS version 13.7 ak kaal lok (nan iPhone 6s, 6s Plus, SE ak kaal ļọk)
  • iOS version 12.5 (ñan iPhone 6, 6 plus, 5s)

Ro rej kojerbal Android remaron kojerbal WA Notify elane Android in talebon smartphone eo aer emaron kojerbal Bluetooth eo edik jonan an kojerbal kajur im Android Version 6 (API 23) ak ļonlok.

Ej aikuj 18 aō yiō bwe in kojerbal WA Notify?

Jab. WA Notify e ab jeḷā ak lale jete aṃ yiō.

Enaj jerbal kein jerbal kapeel in eḷañe inaj kojerbal talebon eo ibben bar juon?

WA Notify ejab maroñ jeḷā wōn ear kajerbal juon phone ilo iien eo ke phone eo ear epaak ñan juon riañinmij. Eḷañe kwōj kojerbal juon talebon ibben bar juon, aolep ro rej kojerbale rej aikuj ḷoor meḷeḷe ko jen public health eḷañe WA Notify ej ba bwe talebon eo ear epaak ñan juon rinañinmij.

WA Notify ej jerbal ilo iPad im smart watch ko?

Jab. Rar kōṃṃan kein kojella won ro rar kebaak naninmij bwe en jerbal wōt ilo smartphone ko im jab ilo iPad ak tablet ko.

Ta eo Washington state ej kōṃṃane bwe en lelok kein jerbal kapeel in nan armij ro ejjeḷọk aer smartphone?

WA Notify ejab kein jerbal eo wot nan jiban kejbarok an jab ajeeded COVID-19. Anoke won ro rar kebaak nainmij im bar jet madmod ko rej jiban aolep ro rej jokwe ilo Washington, jekdọn ñe ejjeḷọk aer smartphone. Ñe jej kajerbal mej, ettoḷọk jān doon, im jab pād ilo kweilọk ko reḷap, ej jipañ kadikḷọk an COVID-19 ajeeded.

Lifeline program (burokaam in jiban nan am kurlok ro jet) an kien eo an federal ej lewaj jiban kin wonnen talebon aoleb allon nan ro remaron tobrak. Jet kombani ko rej bok kwonaer in lewaj kein am konnek kin ejellok to remaron lewaj juon talebon smartphone ejellok wonnen. Bok melele ko relablok kin burokraam eo, won ro remaron tobrak, waween am kateruru im jikin ko rej bok kwonaer ilo burokraam in (ajin Pālle wōt).

Kememej, am boke wa eo an COVID-19 ej waween eo emmontata nan kabojak an ajeeded naninmij eo.

Etke einwōt elap an WA Notify kojerbale kajoor in pātōre eo?

Ilo mool eo, jonane ejab. Jerbal in pātore eo ilo men eo nejūṃ ej kwaļok jete pōjāān in pātōre ej jerbal ilo kajojo raan ekooba apps ko einwot WA Notify. Enañin aolep apps ko rejjamin jerbal ilo juōn ien eo eaitok in boñ. WA Notify ejjamin bar, ak ej wōt lali code (kōkaļļe) ko jabdewōt ilo aolep jejjo awa ko ñan lale rikajerbale ro im rej baajitip bwe en maroñ karoñ eok ñe koj maroñ ejerwawa ñan nañinmej eo. Ilo waan jeñọk, eļaññe ejelok iaan apps ko rej jerbal ilo ien aṃ kiki, ilo tōre ne WA Notify enaj mour wot jen kajoor in pātōre eo. Ejab meļeļe in WA Notify elab an kojerbal pātōre eo – ej meļeļe in eļap bōjāān eo ej bōke jen ijo edrik im ej kajerbal e jen pātōre eo.

Washington eṃōj an kadiwōj WA Notify ilo 30 kajin ko, ak etke ij loe wōt ilo Kajin Belle im Spanish ilo jikin wia eo an Google Play?

Jerbal ko an WA Notify rej bedbed wōt ioon kajin ko rej karōki ilo talpoon ko an ro rej kajerbali. Juōn wōt mottan eo an WA Notify, ak ewōr men ko rej kaju walok – waanjonok juon kein kojella kin kebaak naninmij – enaj waļok ilo kajin eo kelet e jen armij eo ej kojerbale ñan 30 kajin ko Wahington state emōj an koweepen e ñan kojerbali.

Iar loe juon kojella im/ak juon text botab armij eo ear teej ejab baamle ak juon uwaan rimweo imo. In kōṃṃan ta?

Armij eo ej kojerbal WA Notify im teej eo an ear kwalok ewor naninmij eo ibben ej aikuj loor bunten ko nan an kojellaik ro jet ilo an jab walok won ie ke remaron kar kebaak naninmij eo, innem kwoj aikuj kojekdon jabdewot text ak kojella ko rejab am.

Ne juon am baamle ak juon armij uwaan mweo imom ej kojerbal WA Notify, im teej eo an ej kwalok ewor naninmij, im ej wot aikuj kamool jemlokin teej eo an ilo WA Notify, remaron kall ae lok lain in kall eo an COVID-19 ilo 1-800-525-0127, innem jibed # im loor komelele ko nan WA Notify. Ilo ien eo renaj uwaake kall eo, kajitok juon link in kamool an WA Notify.

Jete jonan ien nan ao jibed kojella eo ak kojerbal link in kamool eo?

Ewor am 24 awa alikin am loe kojella ak text majej eo nan loor bunten eo nan kojellaik ro jet ilo WA Notify. Ne kwojab maron jibed kojella eo ak jibed link in kamool eo iloan ien in, jouj im kall ae lok lain eo an COVID-19 ilo 1-800-525-0127, innem jibed # im loor komelele ko nan WA Notify. Ilo ien eo renaj uwaake kall eo, kajitok juon link in kamool an WA Notify. Kwomaron bar kajitok juon link ilo ien eo public health enaj kebaak kwe kin jemlokin teej in COVID-19 ko am.

Etke Washington ear pepe in kōṃṃan kain in?

Washington ear bōk elōñ armej, jet rej mōkade ilo security im jet kōn jiṃwe im maroñ ko an armej kab armej ro jet, im raar kweilọk im lale men in jān Apple/Google. Kumi in raar ba eṃṃan men in kōnke re ḷak lale, enaaj eṃṃan an jerbal, ej kōjparok meḷeḷe ko, im state ko jet rej kajerbale.

Kein jerbal in jiban ikijen Jikin jerbal im Bijnej

Jiban ikijen Ejellok Jerbal

Elañe ejako jerbal eo am, kwōmaron tōbrak ñan jiban ikijen ejellok jerbal. Elañe kwōaikuj melele kin wewein am kanne juon claim ñan jiban ikijen ejellok jerbal, kwōmaron kirlok 1-800-318-6022. Ilo ien aer uaak, ba kajin eo am ñan am maron ebōk jiban in ukok.

Riejrbal ro im Oner in Bijnej ko

Jorren in coronavirus eo elab im emoj an jelōte aoleben lal in emoj an jelōte taujin rijerbal im jikin jerbal ko ilo state in ad.

Ñan kejbarok rijerbal ro, jikin jerbal ko rej aikuj:

  • Katakin rijerbal ro aer kin kōkkaale im kakōlkōl in COVID-19 ilo kajin eo remelele.
  • Kōmmane im jinoe juon bebe ikijen kattolok an armij jen doon.
  • Kōmman bwe en ikut karreo im manman kij.
  • Loloorjak an ikut im jejet kwalkwol ba.
  • Loloorjak rijerbal ro renanninmij ren bed wot mweo mweer.

Uwaak ko ñan kajitōk ko rekūt kin kolla eo an kakkije in nañinmij, jibañ eo an rijerbal im melele eo emōj kakadu kin mennin aikuj ko ikijen kejbarok ilo jikin jerbal ewōr jen ibben Department of Labor & Industries ilo eloñ kajin ko.

Elañe ewor abōnōnō kin jikin jerbal eo am, kwōmaron baele juon abōnōnō ilo am kaju kirlok Department of Labor & Industries ilo 800-423-7233. Ewor jiban ikijen riukok ilo talebon.

Elañe ewor kajitok kin bijnej im rijerbal ro am ilo ien COVID-19, kwōmaron kirlok Employment Security Department ilo 855-829-9243.

Jerbal in jiban ikijen Kejbarok Ejmour im Joortoklik in Ejmour

Kwōmaron tōbrak ñan joortoklik in ejmour ejellok ak edrik wonnen. Kirlok Health Care Authority ilo 1-855-923-4633. Ilo ien renaj uaak, ba kajin eo am ñan ebōk jiban ikijen ukok.

Joortoklik in Alien Emergency Medical (AEM) ej juon burokraam an kajojo armij ewor aer idin takto emelim im rejab ioon aikuj ko ikijen citizenship ak immigration, ak rej juon armij emaron tōbrak im ejañin ioon jemlok in 5 yio eo.

Lain in kir eo an Help Me Grow ilo Washington ej 1-800-322-2588 emaron kalikar burokraam in ejmour ko roktak im jiban ko kwōmaron tōbrak ñani im jiban kwe kateruru. Mennin ekoba:

  • WIC (Women, Infants & Children Nutrition Program)
  • Joortoklik in ejmour ñan ajiri, kora ko rōbōrōrō im ritto
  • Kein bōbrae bōrōrō jen burokraam eo an Take Charge
  • Jikin takto ko an bebe ejmour im baamle
  • Men ko kōjerbali ilo ien bōrōrō im an ninnin
  • Jiban ikijen kaninnin
  • Ebar wor burokraam im jerbal in jiban ikijen mōñā.
Melele ko an Immigrant im Refugee ro

Office of Immigrant and Refugee Affairs (OIRA) ej jibañ an rilikin melele kin melele ko rejimwe im aurōk kin COVID-19 im abnōnō ko an rilikin. Jet bar men ko raurok ñan jelā:

  • Aujbitol im jikin takto ko rejab melim in kajeded jekjekin citizenship im immigration ibben ICE.
  • Ebōk teej ñan COVID-19 im ebōk jiban ak kejbarok in takto edrik wonnen eban jelōte am maron kateruru ñan juon kaat kureen ak citizenship.
  • Aikuj wor am nomba in social security ej jerbal ñan am kateruru ñan jikin ikijen ejellok jerbal. Elañe kwōkōnaan kenono ibben jabdrewot kin am ebōk jiban ikijen ejellok jerbal kirlok 1-800-318-6022.
  • Ebōk jiban ikijen ejellok jerbal ebañ kōbōjrak am maron kateruru ak juon kureen kaat ak citizenship iomwin kakien ko ikijen jiban in kien ñan rilikin.
  • Kwōmaron naj tōbrak ñan Washington State Paid Family and Medical Leave ñan lale juon armij eo enanninmij kin COVID-19 ak kejbarok kwe make elañe kwōnanninmij kin nanninmij eo. Kwōjab aikuj nomba in social security ñan bōk jiban in. ESD ej bōk elōñ kine beba ko.
  • Ñe kwe juon oner in bijnej ej kabōk jibañ, kateruru ñan juon loon an idin jorrāān jen Obij eo ej bōk eddon jibañ Bijnej ko redik an kien eo an Federal ebañ jelōte am maron bōke juon kaat in jokwe ak lal eo am.

Office of Immigrant and Refugee Affairs (OIRA) ej rōjañ ke elañe kwōjab jelā kin jekjek eo am ak an juon uwaan baamle eo, ak kin jibañ ko am, kebaak loar eo an rilikin, obij eo ej bōk eddon rilikin, ak bar juon eo emōj kile im ej jutak ikijen Department of Justice (DOJ). Kwōmaron loe juon loar ilo Doulul eo an Loar ro rej Bōk Edoon Rilikin an Amedka, ak kwōmaron lale website eo an doulul eo emōj an DOJ kile.

Ewor an OIRA burokraam in jiban refugee im immigrant ro kin:

  • Kabok jerbal im katak in kaminene.
  • Jiban ikijen immigration.
  • Katakin jodrikdrik.
  • Jiban refugee ro reritto, ajiri, rijikuul, im ro jet.
  • Burokraam ko rekkā rebellok jen jikin ettolok ilo ien COVID-19. Ewor an obij eo jiban kaal ñan jiban kwe kateruru ñan jerbal ak jiban ikijen an ejellok jerbal, jiban jelālokjen eo am, im lewaj jiban kin jikin jokwe. Maron tōbrak ñan jiban eo jaan im takto an Refugee emoj kaitoklok ñan Jebtomba 30, 2020.
  • Ñan jiban ko im melele ko relablok, kirlok 360-890-0691.

Ñan kajitok ko kin maron ko an immigrant, ebōk jerbal in lemaanlok ñan nukkum/mōttam ro emoj likit ilo kalbuuj, ak melele ko jet, kwōmaron kebaak lain in kir eo an Washington Immigrant Solidarity Network ilo 1-844-724-3737. Ewor riukok ilo talebon.

Ejmour in Kōmelij im Lomnak

Ien in emaron lab an kōmman inebata. Ekkā ke bwe kwe ak ro kwōj iakwe maron eñjaak ami kijoror, buromoj, mijak, ak ilu. Kwōjab make iam. Emmon bwe kwōn kabok im kajitok jiban.

Oktak an aoleb kōmadmōde inebata im jekjek ko rebin. Men eo auroktata kwōmaron kōmmane ej kejbarok kwe make, baamle eo am, im jukjukinbed eo am joñan wot am maron.

Ta eo ej jiban kwe ilo ien kein rebin? Emoj ke am kebaak ak kobalok ibben ro mōttam im baamle eo am? Bolen jet makūtkūt in emenono im elak, ak emmon am kiki in boñ? Bōk ien ñan kaurok am kejbarok kwe make, bōtab emaron bukote kwe, im emaron kadriklok am inebata.

Kirlok Washington Listens ilo 1-833-681-0211. Ewor jiban ikijen riukok ilo talebon. Ilo aer kōmadmōde jorren in COVID-19 eo elab im emoj an jelōte aoleben lal in emoj an Washington kōmmane juon burokraam in jiban etannin Washington Listens. Armij ro rej kōjerbal jiban ko an Washington Listens rej ebōk jiban ñan lale joñan inebata im jelā kejbarok kin oktak ko rej walok jen COVID-19. Ewor Washington Listens ñan jabdrewot armij ilo Washington ñan aer kenono ibben juon armij eo ejelā jiban. Ro rej kirtok renaj ebōk jiban im kobalok ñan jerbal in jiban an jukjukinbed ilo jikin ko aer. Burokraam in ejab kwalok won armij ro.

Elañe kwōbed ilo jorren im kwōj aikuj kenono ibben juon ñan ebōk koonjel, eñin ej jet ekelel ko.

  • Disaster Distress Helpline ej lewaj koonjel ikijen jorren ej kab walok ñan armij ro rej ioon inebata ikijen jabrewot men eo ear make walok ak jen armij jorren Kirlok 1-800-985-5990. Ilo ien aer uaak, ba etan kajin eo am ñan am ebōk jiban ikijen riukok. Lain in jiban eo ebellok 24 awa ilo juon raan aoleb raan.
  • Crisis Connection ewor an lain in jorren 24 awa ej kaju lelok jiban ñan kajojo armij, baamle, im armij ro mōttan armj ro ewor aer jorren in lomnak. Ej jiban armij ro rej jokwe ilo King County. Ewor jiban ikijen riukok in kajin. Kirlok 1-866-427-4747.
  • National Suicide Prevention Lifelineej lelok jerbal in jiban ikijen bōbrae im jorren ñan armj ro rej lomnak in mañ er make. Armij ro rej iakwe armij eo remaron kirlok lifeline ñan ebōk jerbal in jiban ñan jiban baamle ko aer im ro mottaer. Kirlok 1-800-273-8255. Lain in kir eo ebojak 24 awa aoleb raan, 7 raan kajojo wiik. Ewor juon lain in jiban ejejjet ñan veteran ro. Kirlok 1-800-273-8255 innem jibed 1. Elañe kwōjaroñroñ im ebin am roñjake, kirlok 1-800-799-4889.
Jerbal in jiban ikijen Mōñā

Elañe ewor nejum ajiri 18 an yio ak driklok remaron ebōk mōñā ejellok wonnen jen jikuul ko. Ritto ro ewor aer utamwe im emoj kadrelon er ilo burokraam in jelālokjen remaron bar tōbrak ñan mōñā in jikuul. Elōñ keij, mōñā kein rej boklok ak likit ilo mōn jikuul ko einwot jikin baj ko. Kebaak bukon in jikuul eo am ñan lale elañe ewor mōñā ejellok wonnen.

Ñan ro rebōrōrō, kora ro ejkab wor nejeir im ajiri ro redriklok jen lalem yio, kwōmaron naj ebōk mōñā jen burokraam eo an Department of Health’s Women, Infants, and Children (WIC). Ñan jiban ikijen kajin, kirlok 1-866-632-9992.

Jikin ebōk mōñā ko ejellok wonneir emaron moj aer janiji awa ko aer ak remaron kilok ñan an armij etal kin an lablok aikuj in mōñā ilo ien Covid-19. Jouj im kirlok mokta jen am etal Norwest Harvest ej juon droulul in jikin mōñā ejellok wonnen ilo aoleben state eo. Taipwi etan city eo am ñan iloan bok eo itualmin in bok eo ekureen ilo website in.

Ñe kwōj jokwe ilo Eastern Washington kwōmaron loe laajrakin etan jikin mōñā ko ejellok wonneir ilo Second Harvest. Kelet county eo am ilo website eo ñan laajrakin etan jikin mōñā kein ilo jikin eo am.

Kaat in jibañ ko an mōñā basic

Kaat in jibañ eo an mōñā basic (EBT) emaron jerbal ñan wia mōñā im ewōr ñan elōñ armij ro. Citizen in Amedka remaron kateruru ñan jibañ in ilo beij eo an Mōñā Basic ilo website eo an Washington State Department of Social and Health Services (DSHS).

Kememej: Kien eo an federal ear jejbaane mennin aikuj eo ikijen jerbal im ear ekkar ñan jet rūtto ilo ien jorren in. Bōtab, kien eo an federal ej aikuj am citizen in Amedka ñan am maron tōbrak ñan jibañ in.

Kaat ko rej einwōt debit im emōj kalikar ijin lōñ ewōr ñan elōñ ro rejab citizen im rej ioon aoleb mennin aikuj ko jet an burokraam eo. Kwōmaron kateruru ñan jibañ in ibben DSHS Burokraam in Jibañ in Mōñā an State (Kajin Belle wōt).

Melele im Jerbal in Jiban ñan Baamle ko

Ien in elab an kōmman inebata ñan aoleben baamle eo. Eñin ej jet melele in jiban kin wewein am kōmadmōde jekjekin ibben ajiri ro nejum.

Kōmman ien kwelok ibben baamle eo am ilo juon jikin eo ekwon im rōjañ bwe ro uwaan baamle eo ren lelok kajitok. Lomnak in kōjenolok ien kenono ko ibben ajiri ro redrik bwe kwōn maron kōjerbal naan ko remelele im lale jejjetin men ko remijak ak ebwōd aer lomnak.

Jekdron ne kwōj aikuj bed ilo am jelā, ak kwōn kadriklok am kebaak jikin ko rej leto-letak melele im social media bwe remaron kōmman mennin am mijak im wiwijet. Kwōn lukkun jelā (kadriklok) joñan an ajiri ro lale jikin ko rej leto letak melele im social media kin jorren in elab emoj an jelōte aoleben lal in.

Lale am jiban ajiri ro ilo am rōjañ kin kajitok ko im jiban er melele kin jekjekin jebed ie kio.

  • Kenono kin lomnak ko aer im kamoole.
  • Jiban er kwalok lomnak ko aer kin bija am makūtkūt ko jet.
  • Kalikar melele ko rebwod im men ko rejab melele kin wewein an nanninmij eo ajeded im ke ejab aoleb nanninmij in emenono ej coronavirus eo ekaal im emaron kōmman COVID-19.
  • Lelok kwon im bar jidrik kijenmij.
  • Bar niknik in lale ibben ajiri ro nejum ak ilo ien ewor oktak ilo jekjek ko.
  • Niknik kin laajrak eo an baamle eo am ilo ien ej itok ñan ien kiki, mōñā, im makūtkūt.
  • Kōmman ien ñan kōmmane men ko mweo rej kōmman bwe en emmon lok am im an baamle eo am mour ilo ien ko ewor inebata, einwot riit, alwoj bija, roñjak al, ikkure, makūtkūt, jar (jar, bōk kwōnaam ilo jar ko rej kōmman ilo Internet).
  • Kile ke lomnak einwot am lomnak kwōj make iam, jalimo, mijak in bōk nanninmij eo, kijoror, inebata, im wiwijet rej wewein ko rekkā lomnaki ilo ien ko ewor mennin inebata einwot jorren in elab emoj an jelōte aoleben lal in.
  • Jiban an baamle eo am bōk kwōnaan ilo makūtkūt ko relimo im ewor tokjeir ibben baamle eo am im aurok ko an manit eo am.
Kein jerbal in jiban im Melele ko jet

Washington State Commission on Asian Pacific American Affairs (CAPAA)