वाशिङ्गटन राज्य अन्तर्गत COVID-19 (नोवल कोरोना भाइरस) सम्बन्धी - जानकारी, सेवा तथा संसाधनहरू

COVID-19 हटलाइन

यदि तपाईंसँग COVID-19 बारे जिज्ञासाहरू छन् भने, कृपया 1-800-525-0127 मा फोन गर्नुहोस् र # थिच्नुहोस्। तिनीहरूले प्रतिक्रिया जनाएपछि, दोभाषे सेवाहरूमा पहुँच प्राप्त गर्नको लागि आफ्नो भाषा भन्नुहोस्। हटलाइन सोमबार-शुक्रबार बिहान 6 बजेदेखि राती 10 बजेसम्म र शनिबार-आइतबार बिहान 8 बजेदेखि साँझ 6 बजेसम्म खुला रहन्छ।

हालका अद्यावधिकहरू

जुन 26, 2020 देखि, वाशिङ्गटन राज्यका सबै मानिसहरूलाई भित्री सार्वजनिक ठाउँमा वा बाहिरी ठाउँहरूमा हुँदा र अन्य व्यक्तिहरूबाट 6 फिट (2 मिटर) को दूरीमा रहन असक्षम हुँदा अनुहार ढाक्ने लगाउन आवश्यक गरिएको छ। केही मानिसहरूलाई अनुहार ढाक्ने लगाउन असुरक्षित बनाउने स्वास्थ्य अवस्थाहरू हुन सक्छन् तर कसैले पनि आफूलाई उक्त चिकित्सा अवस्था रहेको प्रमाण देखाउन आवश्यक पर्दैन। साथै, सबै रोजगारदाताहरूले एक्लै काम नगर्ने सबै कर्मचारीहरूलाई अनुहार ढाक्ने वा मास्कहरू उपलब्ध गराउन आवश्यक हुन्छ।

मे 31 मा, गभर्नर Inslee ले सेवा वियोजन तथा ढिलाइका शुल्कहरूमा लगाइएको निषेधलाई सबै उर्जा, ल्याण्डलाइन टेलिफोन र पानी उपयोगहरूका लागि जुलाई 28 सम्म लम्ब्याउनुभयो। निवासीहरूलाई आफ्ना बिलहरूको भुक्तानी सम्बन्धी सहायता बारे अनुरोध गर्नका लागि सिधै उपयोग कम्पनीलाई फोन गर्न प्रोत्साहन गरिन्छ।

गभर्नरले निष्कासनहरूमा लगाइएको निषेधलाई पनि अगस्ट 1 सम्म लम्ब्याउनुभयो। यदि तपाईंको जमिन मालिक वा सम्पत्ति व्यवस्थापकले निषेधको उल्लङ्घन गर्दै हुनुहुन्छ भने, तपाईं राज्यको महान्यायवादीको कार्यालयमा (833) 660-4877 मा फोन गरेर विकल्प 1 चयन गर्न सक्नुहुन्छ। कर्मचारी सदस्यले तपाईंलाई फेरि फोन गर्नुहुनेछ।

COVID-19 भनेको के हो?

COVID-19 भनेको श्वासप्रश्वास सम्बन्धी बिमारी हो। यो हाच्छिउँ तथा खोकीहरू, हात मिलाउने सहित अन्यसँगको निकट सम्पर्क र खाना वा पेय पदार्थहरू साझा गर्ने कार्यबाट फैलिन्छ।

लक्षणहरू के-के हुन्?

COVID-19 का मुख्य लक्षणहरू भनेका खोकी लाग्ने, स्वाँ-स्वाँ हुने वा यी लक्षणहरू मध्ये कम्तीमा दुईवटा हुन्: ज्वरो आउने, चिसो लाग्ने, चिसो लागेर बारम्बार काप्ने, मांशपेशी दुख्ने, टाउको दुख्ने, घाँटी दुख्ने, नयाँ स्वाद वा गन्ध थाहा नपाउने।

सबैभन्दा उच्च जोखिममा को छ?

वृद्ध वयस्क, अन्य चिकित्सा अवस्थाहरू भएका कुनै पनि उमेरका मानिस र गर्भवती महिलाहरू COVID-19 बाट हुने गम्भीर बिमारीको अझ उच्च जोखिममा हुन सक्छन्।

आफू र आफ्नो समुदायलाई सुरक्षित राख्नुहोस्:

  • विशेषगरी आफू बिरामी भएको बेलामा सम्भव भएसम्म घरमै बस्नुहोस्।
  • सार्वजनिक स्थलमा हुँदा अनुहार ढाक्ने प्रयोग गर्नुहोस्।
  • अन्य मानिसहरूबाट छ फिट (2 मिटर) को दूरीमा बस्नुहोस्।
  • आफ्ना हातहरू बारम्बार धुनुहोस् वा ह्याण्ड सेनिटाइजर प्रयोग गर्नुहोस्।
  • आफ्ना खोकी र हाच्छिउँहरूलाई छोप्नुहोस्।
  • आफ्नो अनुहारमा नछुनुहोस्।
  • आफ्नो घरका सतहहरूलाई सफा गर्नुहोस्।
  • यदि तपाईंमा COVID-19 का लक्षणहरू देखिन्छन् भने, आफ्नो स्वास्थ्य स्याहार प्रदायकलाई सम्पर्क गर्नुहोस् र आफ्नो परीक्षण गरिदिन अनुरोध गर्नुहोस्। यदि तपाईंसँग स्वास्थ्य स्याहार प्रदायक हुनुहुन्न भने, आफ्नो नजिकै रहेको आकस्मिक स्याहार केन्द्रमा सम्पर्क गर्नुहोस्। यदि तपाईंले बीमा गराउनुभएको छैन भने, आफ्नो स्थानीय स्वास्थ्य विभागमा सम्पर्क गर्नुहोस्।

COVID-19 तथा स्वस्थ रहने सम्बन्धी अतिरिक्त जानकारी र संसाधनहरू:

वाशिङ्गटन पुन: खोल्ने: Safe Start Plan

COVID-19 को फैलिने क्रमलाई रोक्नका लागि, गभर्नर Inslee ले वाशिङ्गटन निवासीहरूलाई सम्भव भएसम्म घरमै बस्न अनुरोध गर्नुभएको छ। व्यवसाय र क्रियाकलापहरू पुन: खोल्नको लागि चार चरणको योजना बनाइएको छ। प्रत्येक काउण्टी चारवटा चरण मार्फत अगाडि बढ्नुपर्छ।

हाल अनुमति दिइएका मुख्य क्रियाकलापहरूमा निम्न समावेश छन्:

  • किराना सामान किनमेल गर्ने, ग्यास प्राप्त गर्ने, औषधि लिने वा चिकित्सा अपोइन्टमेन्टमा जाने जस्ता अत्यावश्यक क्रियाकलापहरू।
  • अत्यावश्यक व्यवसाय वा गभर्नरको Safe Start plan अन्तर्गत पुन: खोल्न अनुमति दिइएको व्यवसायमा काम गर्न जाने।
  • नजिकैको रेस्टुरेन्टबाट लैजानका लागि तयार खानेकुरा किन्ने। रेस्टुरेन्टहरू चरण 2 को सुरुवातबाट सीमित मात्रामा बसेर खानका लागि खुलेका छन्।
  • छ फिट (2 मिटर) को शारीरिक दूरी कायम राखेर बाहिर हिँड्न वा व्यायाम गर्न जाने। आफ्नो समुदायभन्दा बाहिर COVID-19 फैलिने सम्भावनालाई रोक्न घर नजिकै रहेका क्षेत्रहरूमा मनोरञ्जन गर्ने।
  • माछा मार्ने, शिकार गर्ने तथा अन्य मनोरञ्जनात्मक उद्देश्यहरूका लागि राज्य पार्क र सार्वजनिक स्थलहरूलाई दिनमा प्रयोग गर्ने। कम्तीमा चरण 2 मा रहेका काउण्टीहरूका राज्य पार्कहरूमा शिविरलाई अनुमति दिइएको छ।

रोजगारी तथा व्यवसायसँग सम्बन्धित संसाधनहरू

बेरोजगारी लाभहरू

यदि तपाईं आफ्नो जागिर गुमाउनुहुन्छ भने, तपाईं बेरोजगारी लाभहरूका लागि योग्य हुन सक्नुहुन्छ। यदि तपाईंलाई बेरोजगारी लाभहरूको दाबी कसरी भर्ने भन्ने बारेमा जानकारी आवश्यक छ भने, तपाईं 1-800-318-6022 मा फोन गर्न सक्नुहुन्छ। तिनीहरूले प्रतिक्रिया जनाएपछि, दोभाषे सेवाहरूमा पहुँच प्राप्त गर्नको लागि आफ्नो भाषा भन्नुहोस्।

कामदार तथा व्यावसायिक मालिकहरू

कोरोना भाइरसको महामारीले हाम्रो राज्यका सयौं हजार कामदार र रोजगारदाताहरूलाई प्रभाव पारेको छ।

कामदारहरूलाई सुरक्षित राख्नको लागि, रोजगारदाताहरूले निम्न कार्य गर्न आवश्यक छ:

  • आफ्ना कामदारहरूलाई उनीहरूले बुझ्ने भाषामा COVID-19 का संकेत तथा लक्षणहरूको बारेमा शिक्षा दिन।
  • सामाजिक दूरीको योजना कार्यान्वयन गर्न।
  • बारम्बार सफाई र सरसफाई कार्य सञ्चालन गर्न।
  • बारम्बार र उचित हात धुने कार्यलाई सुनिश्चित गर्न।
  • बिरामी कर्मचारीहरू घरमै बस्छन् भन्ने कुरा सुनिश्चित गर्न।

यदि तपाईंसँग आफ्नो कार्यस्थलको सुरक्षा सम्बन्धी सरोकारहरू छन् भने, तपाईं Department of Labor & Industries लाई सिधै 800-423-7233 मा फोन गरेर उजुरी दायर गर्न सक्नुहुन्छ। फोनमार्फत दोभाषे सेवाहरू उपलब्ध छन्।

यदि तपाईंसँग COVID-19 को अवधिमा आफ्नो व्यवसाय र कर्मचारीहरूसँग सम्बन्धित जिज्ञासाहरू छन् भने, तपाईं रोजगार सुरक्षा विभागमा 855-829-9243 मा फोन गर्न सक्नुहुन्छ।

स्वास्थ्य स्याहार तथा स्वास्थ्य बीमा सम्बन्धी संसाधनहरू

तपाईं नि:शुल्क वा न्यून लागतको स्वास्थ्य बीमाका लागि योग्य हुन सक्नुहुन्छ। Health Care Authority (स्वास्थ्य स्याहार प्राधिकरण) मा 1-855-923-4633 मा फोन गर्नुहोस्। तिनीहरूले प्रतिक्रिया जनाएपछि, दोभाषे सेवाहरूमा पहुँच प्राप्त गर्नको लागि आफ्नो भाषा भन्नुहोस्।

Alien Emergency Medical (AEM) कभरेज भनेको योग्य चिकित्सा आकस्मिक अवस्था भएका र नागरिकता वा अध्यागमनसम्बन्धी आवश्यकताहरू पूरा नगरेका व्यक्ति वा 5-वर्षे बार पूरा नगरेका योग्य व्यक्तिहरूका लागि सञ्चालित कार्यक्रम हो।

Help Me Grow वाशिङ्गटन हटलाइन 1-800-322-2588 ले तपाईं योग्य रहनुभएका विभिन्न स्वास्थ्य कार्यक्रम तथा सेवाहरू पहिचान गर्न र तपाईंलाई त्यसमा आवेदन दिन मद्दत गर्न सक्छ। यसमा निम्न कुराहरू समावेश छन्:

  • WIC (महिला, शिशु तथा बालबालिका पोषण कार्यक्रम)
  • बालबालिका, गर्भवती महिला र वयस्कहरूका लागि स्वास्थ्य बीमा
  • Take Charge Program (टेक चार्ज कार्यक्रम) मार्फत जन्म नियन्त्रण
  • स्वास्थ्य तथा परिवार योजना सम्बन्धी क्लिनिकहरू
  • गर्भावस्था तथा बच्चाका आपूर्तिहरू
  • स्तनपान सम्बन्धी सहायता
  • तिनीहरूसँग खाद्य कार्यक्रम र संसाधनहरू पनि छन्।

आप्रवासी र शरणार्थी सम्बन्धी जानकारी

Office of Immigrant and Refugee Affairs (OIRA) ले आप्रवासीहरूलाई सार्वजनिक आदेश जस्ता Covid 19 र आप्रवासी सम्बन्धी सरोकारहरू को बारेमा महत्त्वपूर्ण तथ्यहरू बुझ्न मद्दत गर्छ। थाहा हुनुपर्ने अन्य महत्त्वपूर्ण केही कुराहरू:

  • अस्पताल र क्लिनिकहरूमा ICE सँग नागरिकता वा अध्यागमन स्थिति साझा गर्न अनुमति छैन।
  • COVID-19 को परीक्षण गराउने र परोपकार वा छूटप्राप्त चिकित्सा स्याहार पहुँच गर्ने कार्यले ग्रीन कार्ड वा नागरिकताका लागि आवेदन दिने तपाईंको क्षमतामा असर पार्दैन।
  • बेरोजगारी लाभहरूका लागि आवेदन दिन तपाईंलाई मान्य सामाजिक सुरक्षा नम्बर आवश्यक हुन्छ। यदि तपाईं बेरोजगारी लाभहरू प्राप्त गर्ने बारेमा कोही व्यक्तिसँग कुरा गर्न चाहनुहुन्छ भने 1-800-318-6022 मा फोन गर्नुहोस्।
  • बेरोजगारी लाभहरू प्राप्त गर्ने कार्यले सार्वजनिक आदेश सम्बन्धी नियमहरू अन्तर्गत ग्रीन कार्ड वा नागरिकताका लागि आवेदन दिने तपाईंको क्षमतालाई जोखिममा पार्दैन।
  • तपाईं Covid-19 लागेको बिरामीको स्याहार गर्नका लागि वा आफू सो भाइरसबाट बिमारी भएमाआफ्नो स्याहार गर्नका लागि वाशिङ्गटन राज्यको परिवारिक तथा चिकित्सा तलबी बिदाका लागि योग्य हुन सक्नुहुन्छ। यो लाभ प्राप्त गर्नका लागि तपाईंलाई सामाजिक सुरक्षा नम्बर आवश्यक हुँदैन। ESD ले अन्य धेरै प्रकारका कागजातहरू स्वीकार गर्छ।
  • यदि तपाईं सहायता खोजी रहनुभएको व्यावसायिक मालिक हो भने, संघीय Small Business Administration विपत्ति ऋणमा आवेदन दिने कार्यले सार्वजनिक आदेश अन्तर्गत ग्रीन कार्ड वा नागरिकताका लागि आवेदन दिने तपाईंको क्षमतालाई जोखिममा पार्नेछैन।

सार्वजनिक आदेश सम्बन्धी विशेष नोट: धेरैजसो अधिवक्ताहरूले परिवारहरूलाई उनीहरू योग्य रहेका सेवाहरूको प्रयोग गर्न जारी राख्नुपर्छ भनी सुझाव दिन्छन्। यद्यपि, प्रत्येक अध्यागमन अवस्था अनुपम हुन्छ। Office of Immigrant and Refugee Affairs (OIRA) ले यदि तपाईं आफ्नो स्थिति वा आफ्नो परिवारको सदस्यको स्थिति र/वा लाभहरूको प्रयोगका बारेमा अनिश्चित हुनुहुन्छ भने, तपाईंले अध्यागमन अधिवक्ता वा Department of Justice (DOJ) का अधिकृत प्रतिनिधिसँग कुरा गर्नुपर्छ भनी सुझाव दिन्छ। तपाईं American Immigration Lawyers Association मार्फत वकील फेला पार्न सक्षम हुन सक्नुहुन्छ। वा तपाईं DOJ-अधिकृत संस्थाको वेबसाइटमा जान सक्नुहुन्छ।

ORIA मा शरणार्थी र आप्रवासीहरूको मद्दत गर्नका लागि निम्न कार्यक्रमहरू छन्:

  • जागिर खोजी तथा प्रशिक्षण।
  • अध्यागमन सहायता।
  • युवाको निगरानी।
  • वृद्ध , बालबालिका, विद्यार्थी तथा अन्य शरणार्थीहरूका लागि सहायता।
  • COVID-19 को अवधिमा नियमित कार्यक्रमहरू ढाढैबाट सञ्चालन हुन्छन्। कार्यालयमा तपाईंलाई जागिरहरू वा बेरोजगारीमा मद्दत गर्न, तपाईंको शिक्षामा सहायता गर्न तथा आवास सम्बन्धी मद्दत उपलब्ध गराउनका लागि नयाँ सेवाहरू रहेका छन्। शरणार्थी नगद सहायता तथा शरणार्थी चिकित्सा सहायता योग्यतालाई सेप्टेम्बर 30, 2020 सम्म लम्ब्याइएको छ।
  • सेवाहरू तथा थप जानकारीका लागि, 360-890-0691 मा फोन गर्नुहोस्।

आप्रवासीका अधिकार, रोक लगाइएका नातेदार/साथीका लागि रेफरल सहायता प्राप्ति र अन्य सम्बन्धित जानकारीका बारेमा जिज्ञासाहरूका लागि, तपाईं वाशिङ्गटन आप्रवासी समन्वय नेटवर्कको हटलाइनमा 1-844-724-3737 मा सम्पर्क गर्न सक्नुहुन्छ। फोनमार्फत दोभाषे सेवा उपलब्ध छ।

मानसिक तथा भावनात्मक स्वास्थ्य

यो तनावपूर्ण समय हुन सक्छ। तपाईं वा तपाईंको प्रियजनले निराश, चिन्तित, डराएको वा रिसाएको महसुस गर्नु सामान्य हो। तपाईं एक्लो हुनुहुन्न। सहायता खोज्दा तथा यसको अनुरोध गर्दा केही हुँदैन।

सबैजनाले तनाव र कठिन अवस्थाहरूमा भिन्न-भिन्न तरिकाले प्रतिक्रिया जनाउँछन्। तपाईंले गर्न सक्ने सबैभन्दा महत्त्वपूर्ण कार्य भनेको आफ्नो, आफ्नो परिवार र आफ्नो समुदायको आफूले सकेसम्मको ख्याल राख्नु हो।

चुनौतीपूर्ण अवस्थाहरूमा तपाईंलाई के कुराले तिनीहरूको सामना गर्न मद्दत गर्छ? के तपाईं साथीहरू र परिवारको सम्पर्कमा आउनुभएको वा उहाँहरूसँग पुन: जोडिनुभएको छ? गहिरो श्वासप्रश्वास तथा तन्काउने सम्बन्धी केही कार्य, केही व्यायाम वा रातको उचित निद्रा हुन सक्छ? आफ्नो स्याहार गर्नको लागि समयलाई प्राथमिकतामा राख्ने कार्यले, यद्यपि त्यसले तपाईंको ध्यान राख्न सक्छ, तनावलाई कम गर्नमा मद्दत पुर्याउन सक्छ।

Washington Listens मा 1-833-681-0211 मा फोन गर्नुहोस्। फोनमार्फत दोभाषे सेवाहरू उपलब्ध छन्। COVID-19 को महामारीको प्रतिक्रियामा, वाशिङ्गटनले Washington Listens भनिने सहायता कार्यक्रम सुरुवात गरेको छ। Washington Listens सेवाहरूको प्रयोग गर्ने मानिसहरूले उन्नत तनावलाई व्यवस्थित गर्न र COVID-19 को कारणले भएका परिवर्तनहरूको सामना गर्न सहायता प्राप्त गर्छन्। वाशिङ्गटनमा रहेका जोकोहीका लागि सहायता विशेषज्ञसँग कुरा गर्न Washington Listens उपलब्ध छ। फोन गर्नेहरूले आफ्नो क्षेत्रमा सहायता र सामुदायिक संसाधनहरूमा संयोजन प्राप्त गर्छन्। कार्यक्रम नामरहित छ।

यदि तपाईं संकटमा हुनुहुन्छ र तपाईंलाई परामर्श प्राप्त गर्नका लागि कसैसँग कुरा गर्न आवश्यक छ भने, केही विकल्पहरू छन्।

  • Disaster Distress Helpline ले कुनै पनि प्राकृतिक वा मानव-सिर्जित विपत्ति सँग सम्बन्धित भावनात्मक कष्ट को सामना गरिरहेका मानिसहरूका लागि तुरुन्तै संकट सम्बन्धी परामर्श उपलब्ध गराउँछ। 1-800-985-5990 मा फोन गर्नुहोस्। तिनीहरूले प्रतिक्रिया जनाएपछि, दोभाषे सेवाहरूमा पहुँच प्राप्त गर्नको लागि आफ्नो भाषा भन्नुहोस्। हेल्पलाइन हरेक दिन 24सै घण्टा उपलब्ध छ।
  • Crisis Connections मा भावनात्मक संकटमा रहेका व्यक्ति, परिवार र मनिसका साथीहरूलाई तुरुन्तै मद्दत उपलब्ध गराउने 24 घण्टे संकट लाइन रहेको छ। यसले King काउण्टीमा बसोबास गर्ने मानिसहरूलाई सेवा पुर्याउँछ। भाषा सम्बन्धी दोभाषे सेवा उपलब्ध छ। 1-866-427-4747 मा फोन गर्नुहोस्।
  • National Suicide Prevention Lifeline ले आत्महत्याको बारेमा सोच्ने मानिसहरूका लागि रोकथाम तथा संकट संसाधनहरू उपलब्ध गराउँछ। प्रियजनहरूले पनि आफ्ना परिवार र साथीहरूलाई मद्दत गर्नका लागि संसाधनहरू प्राप्त गर्न लाइफलाइनमा फोन गर्न सक्नुहुन्छ। 1-800-273-8255 मा फोन गर्नुहोस्। यो हटलाइन दिनको 24 घण्टा, हप्ताको 7 दिन उपलब्ध छ। सेवानिवृत्त सैनिकहरूका लागि विशेष हेल्पलाइन छ। 1-800-273-8255 मा फोन गर्नुहोस् र त्यसपछि 1 थिच्नुहोस्। यदि तपाईं बहिरो हुनुहुन्छ वा कम सुन्नहन्छ भने, 1-800-799-4889 मा फोन गर्नुहोस्।

खाद्य संसाधनहरू

यदि तपाईंसँग 18 वर्ष वा सोभन्दा कम उमेरका बच्चा छन् भने तिनीहरूले विद्यालयहरूबाट नि:शुल्क खानाहरू प्राप्त गर्न सक्छन्। शैक्षिक कार्यक्रमहरूमा भर्ना भएका असक्षमताहरू भएका वयस्कहरू पनि विद्यालयका खानाहरूका लागि योग्य हुन सक्छन्। धेरै अवस्थाहरूमा, यी खानाहरूलाई बस बिसौनीहरू जस्ता विद्यालय बाहिरका स्थानहरूमा वितरण गरिने वा दिइने गरिन्छ। तपाईंको स्कूल डिस्ट्रिक्टले नि:शुल्क खानाहरू उपलब्ध गराउँछ वा गराउँदैन भनी जान्नका लागि त्यसलाई सम्पर्क गर्नुहोस्।

गर्भवती, सुत्केरी महिला र पाँच वर्षमुनिका बच्चाहरूका लागि, तपाईं Department of Health को महिला, शिशु तथा बालबालिका (WIC) कार्यक्रममार्फत खाने कुरा प्राप्त गर्न सक्षम हुन सक्नुहुन्छ। भाषा सहायताका लागि, 1-866-632-9992 मा फोन गर्नुहोस्।

Covid-19 को अवधिमा खाद्यान्नको बढ्दो मागका कारण खाद्य बैंकहरूले आफ्नो समय परिवर्तन गरेका हुन सक्छन् वा तिनीहरूलाई भिडभाडलाई टाढा राख्नको लागि बन्द गरिएका हुन सक्छन्। कृपया जानुअघि फोन गर्नुहोस्। Norwest Harvest भनेको राज्यव्यापी खाद्य बैंक सञ्जाल हो। यो वेबसाइटमा रहेको हरियो बाकसको बायाँपट्टिको बाकसमा आफ्नो शहरको नाम टाइप गर्नुहोस्।

यदि तपाईं पूर्वी वाशिङ्गटनमा बस्नुहुन्छ भने तपाईं Second Harvest मा खाद्य बैंकहरूको सूची फेला पार्न सक्नुहुन्छ। आफ्नो क्षेत्रमा रहेका खाद्य बैंकहरूको सूचीका लागि यो वेबसाइटमा आफ्नो काउण्टी चयन गर्नुहोस्।

परिवारहरूका लागि जानकारी र संसाधनहरू

यो सम्पूर्ण परिवारका लागि तनावपूर्ण समय हो। यहाँ आफ्ना बालबालिकासँग यो अवस्थालाई कसरी सम्हाल्ने भन्ने बारेमा केही सुझावहरू छन्:

सुविधाजनक ठाउँमा पारिवारिक छलफलहरू आयोजना गर्नुहोस् र परिवारका सदस्यहरूलाई जिज्ञासाहरू राख्न प्रोत्साहन गर्नुहोस्। साना बालबालिकाहरूले बुझ्ने भाषा प्रयोग गरेर उनीहरूका निश्चित डर वा गलत अवधारणाहरूलाई सम्बोधन गर्नका लागि उनीहरूसँग छुट्टै छलफल गर्ने कुरामा विचार गर्नुहोस्।

टेलिफोन वा अनलाइन सेवाहरूमार्फत परिवार तथा साथीहरूसँग सम्पर्कमा रहनुहोस्।

तपाईं जानकार रहन आवश्यक भए तापनि, डर वा त्रासलाई प्रवर्द्धन गर्न सक्ने मिडिया केन्द्रहरू वा सामाजिक मिडियाको प्रयोगलाई कम गर्नुहोस्। महामारीको बारेमा तपाईंका बालबालिकाहरूले कति समय मिडिया कभरेज वा सामाजिक मिडियामा बिताउँछन् भन्ने कुरा प्रति विशेषगरी सचेत रहनुहोस् (र यसलाई सीमित बनाउनुहोस्)।

बालबालिकाहरूका जिज्ञासाहरूलाई प्रोत्साहन गरेर तथा उनीहरूलाई वर्तमान अवस्थाको बारेमा बुझ्न मद्दत गरेर उनीहरूलाई सहायता गर्नमा केन्द्रित हुनुहोस्।

  • उनीहरूका भावनाहरूको बारेमा कुरा गर्नुहोस् र तिनीहरूलाई मान्यता दिनुहोस्।
  • उनीहरूलाई आफ्ना भावनाहरू चित्रकला वा अन्य क्रियाकलापहरूमार्फत व्यक्त गर्न मद्दत गर्नुहोस्।
  • भाइरस कसरी फैलिन्छ भन्ने बारेमा रहेका गलत जानकारी वा गलत बुझाइहरू र श्वासप्रश्वास सम्बन्धी सबै रोग COVID-19 निम्त्याउन सक्ने नोवल कोरोना भाइरस होइन भन्ने कुरालाई स्पष्ट पार्नुहोस्।
  • आराम र केही अतिरिक्त धैर्यता प्रदान गर्नुहोस्।
  • आफ्ना बालबालिकालाई नियमित आधारमा वा अवस्था परिवर्तन हुँदा पुन: भेट्नुहोस्।
  • सुत्ने समय, खाना खाने समय र व्यायाम गर्ने समय जस्ता कुरामा आफ्नो परिवारको तालिकालाई अनुकूल राख्नुहोस्।
  • घरमा तपाईं र तपाईंको परिवारलाई अन्य तनावपूर्ण अवस्थाहरूमा उत्कृष्ट महसुस गराउने कार्यहरू जस्तै पढ्ने, चलचित्रहरू हेर्ने, संगीत सुन्ने, खेलहरू खेल्ने, व्यायाम गर्ने वा धार्मिक क्रियाकलापहरू (प्रार्थना, इन्टरनेटका सेवाहरूमा सहभागी हुने) गर्नका लागि समय मिलाउनुहोस्।
  • एक्लोपन, उदासी, रोग लाग्ने डर, चिन्ता, तनाव र त्रास जस्ता भावनाहरूलाई महामारी जस्तो तनावपूर्ण अवस्थामा समान्य प्रतिक्रियाहरू मान्नुहोस्।
  • आफ्नो परिवारलाई आफ्ना पारिवारिक तथा सांस्कृतिक मान्यताहरूका साथमा मनोरञ्जनात्मक तथा अर्थपूर्ण क्रियाकलापहरूमा संलग्न हुन मद्दत गर्नुहोस्।

60 वर्षभन्दा बढी उमेरका वयस्कहरू COVID-19 बाट हुने गम्भीर बिमारीको अझ उच्च जोखिममा हुन्छन्। यदि परिवारको वृद्ध सदस्य तपाईंसँग बस्नुहुन्छ भने, जोखिमलाई कम गर्ने तरिकाहरू पहिचान गर्नुहोस्।

  • परिवारमा न्यून जोखिम भएका सदस्यलाई किराना सामान किनमेल र अन्य अत्यावश्यक क्रियाकलाप गर्न लगाउनुहोस्।
  • घरमा प्रवेश गर्ने बित्तिकै सबैजनाले आफ्ना हातहरू धुनुहुन्छ भन्ने कुरा सुनिश्चित गर्नुहोस्। साझा गरिएका ठाउँ, सतह र कोठाहरूलाई बारम्बार सफा गर्नुहोस्।
  • यदि तपाईंको घरपरिवारको एकजना व्यक्तिलाई संक्रमण हुन्छ वा लक्षणहरू देखिन्छन् भने, आफूले सक्ने उत्कृष्ट रूपमा उहाँलाई छुट्टै राख्नुहोस्। यदि उहाँहरूका लागि आफ्नै कोठा र बाथरूमको व्यवस्था मिलाउन सक्नु सबैभन्दा राम्रो कुरा हो। साझा गरिएका क्षेत्रहरूलाई बारम्बार सफा गर्नुहोस् र कोही बिरामी भएको वा सम्भावित रूपमा संक्रमण रहेको अवधिमा घरपरिवारका सबैजनाले मास्क लगाउनुहुन्छ भन्ने कुरा सुनिश्चित गर्नुहोस्।

अतिरिक्त संसाधनहरू र जानकारी